Albania

Sa bandera

S'Albania (in albanesu Shqipëria, chi bolit nàrrere "Paesi de is Àquilas") est unu istadu de sa penìsola de sos Balcànos. Sa capitale sua est Tirana. Cunfinat a setentrione cun su Montinieddu, a oriente cun su Kosovo e sa Matzedònia, a meridione cun sa Grèghia e a otzidente tenit su Mare Adriàticu.

Istòria

Pustis de unu perìodu de indipendèntzia cun sos Illìrios, sa regione de s'atuale Albania est istadu conchistada dae s'Imperu Romanu. Dae custu momentu no at prus tentu indipendèntzia fintzas a su 1912 candu est nàschida sa Repùblica de Albania de su chi fiat s'Imperu Otomanu. In casi duamilla annos, sa regione est istadu dominada dae sos romanos, sos bizantinos e sos turcos. Cun su declinu de s'Imperu Ottumanu, s'Albania est diventada indipendente comente Repùblica ma sùbitu pustis su generale Ahmet Zogu s'est dichiaradu rei e arit trasformadu sa repùblica in unu regnu. S'indipendèntzia albanesa est durada pro pagu tempus, poita in su 1924 s'Itàlia fascista arit dichiarau su protetorau in pitz'e sa pitica repùblica balcànica (chi fiat de facto un'ocupatzione) e in sa segunda gherra mundiale (1939) d'arit ocupada cumpletamente. Pustis de sa segunda gherra mundiale, s'Albania est diventada una Repùblica Sotzialista de imprenta soviètica, ma no est mai intrada a fàghere parti de sos istados satèllites de s'Unione Soviètica, cun sa cale arit fintza tentu problemas, candu arit ditzìdiu de s'acostai a sa politica Tzinèsa. In is primus anu '90, cun sa disgregatziòni de su mundu sovièticu, s'Albania puru arit cambiàu polìtica econòmica, oberendisì a su mercadu mundiale. Pro sos primos annos s'economia est istadu disastrada cun unu nùmeru artìssimu de disterrados (mo sa prus manna parti in Itàlia), criminalidade e corrutzione. Oi in die, però, s'Albania est ancora pòbera, ma s'economia sua starit crescendi gràtzias a su turismu e a sos pretzos competitìvos. ak:Albania