Costa Rica

Dae Wikipedia, s'entziclopedia lìbera.

Coordinadas: 10°N 84°W / 10°N 84°W10; -84


Artìculu in LSC

Bandera
Posidura in su mundu

Sa Costa Rica (o Costarica, ufitzialmente Repùblica de Costa Rica) est un'istadu de s'Amèrica Tzentrale. Sa capitale est San José, cun unos 885.000 bividores. Àteras tzitades de s'àrea metropolitana sua sunt Heredia, Cartago e Alajuela. Est una repùblica presidentziale e sa limba prus impreada est s'ispagnolu, mancari ufitzialmente siat plurilìngue partende dae su guvernu de Luis Guillermu Solís.

Incluende s'àrea insulare (Ìsula de su Cocu) tenet istèrrida de 51 100 km² e populatzione de unos 4.805.000 de bividores. Làcanat in su norte cun su Nicaràgua, in s'estu cun su mare de sos Caràibes e Panamà, in su sud e in s'ovest cun s'otzèanu Patzìficu.

Sa Costa Rica est una de sas democratzias prus cunsolidadas dae Amèrica. At balangiadu su reconnoschimentu mundiale pro àere abolidu s'esèrtzitu su primu de nadale de su 1948, abolitzione chi est istada perpetuada in sa Costitutzione Polìtica de su 1949. In sa classificatzione de s'inditu de cumpetitividade turìstica de 2011 sa Costa Rica est lòmpidu a ocupare sa de 44 posiduras de su mundu e su segundu in s'iscala latinoamericana, superadu petzi dae su Mèssicu. Sa Costa Rica est istadu catalogadu in su 2011 che s'istadu cun prus manna libertade de imprenta de Amèrica Latina, ocupende su nùmeru 19 a livellu mundiale, segundu sa classificatzione de Reporters chene Fronteras.[1] Segundu s'inditu de sa Paghe Globale de su 2012 su Costa Rica est su de tres istados prus seguros de Amèrica Latina, cun petzi Cile e Uruguay in antis.

Àteros progetos[modìfica | modìfica su còdighe de orìgine]

Notas[modìfica | modìfica su còdighe de orìgine]

  1. Gutierrez, Javiera «Más libre es prensa de Costa Rica». LaRepublica.net - Soluciones para profesionales.