Micronèsia

Dae Wikipedia, s'entziclopedia lìbera.


Artìculu in LSC

Sa Micronèsia

Sa Micronèsia est una de sas macroregiones cun chi traditzionalmente si partzit s'Otzeània.

A custa partzidura traditzionale de s'Otzeània impreada fintzas de sas Natziones Unidas pro dividire su mundu in macroregiones, sos chircadores preferint sa moderna partzidura in duas solas regiones: s'Otzeània de a curtzu e s'Otzeània de a tesu de chi sa Micronèsia faghet parte.

Su nùmene Micronesia est istadu coniadu dae su frantzesu Jules Dumont de Urville a cara de su 1830 (paris cun cussos de sa Polinèsia, de sa Melanèsia e de sa Malaìsia) e derivat de su gregu antigu μικρος (minore) e νησος (ìsula), est a nàrrere "ìsulas minores".

Sa Micronesia s'agatat a estu de sas Filipinas, a nord-estu de s'Indonèsia, a norte de sa Pàpua Noa Guinea e de sa Melanèsia e a ovest de sa Polinèsia.