Latinu de s'Africa

Dae Wikipedia, s'entziclopedia lìbera.
Jump to navigation Jump to search

Ozieri-Stemma.png
Articulu in logudoresu
Ozieri-Stemma.png

In terra maghrebina, bi aìat una limba noulatina como isparessida.

Su latinu de s'Africa fiat una limba noulatina chi fiat faeddada in Africa a tardu periodu romanu e primu bizantinu, innantis chi su Califfadu Omayyade si nche la aìat pigada in su 696. Si connoschet pagu e nudda de custa limba, ca in ie si iscribìat solu in latinu classicu, ma si narat chi su latinu africanu fiat giai bennidu diversu dae su latinu normale e, a pustis, s'arabu nche lu aìat bogadu cun sa conchista musulmana.

Ateras limbas a pare[modìfica | modìfica su còdighe de orìgine]

Muhammad al-Idrisi narat una cosa de importu mannu: iscriende a pitzus de sa Sardigna in su traballu sou (Opus geographicum) descriet sos sardos: "sos sardos sun de raighina latinu-africana, ma si sun fattos barbaros, e biven a banda dae sos ateros latinos; sun corazudos e balentes, chi no lassan mai sas armas".

Santu Agostinu narat puru chi "origra africana no distinghet tra vocale longa o curtza". Custu nos podet iscobiare calicuna cosa subra sa limba sarda, chi tenet petzi 5 vocales (a, e, i, o, u) e dittongu perunu: sas chimbe vocales de su latinu, longas e curtzas (a/ā, e/ē, i/ī, o/ō, u/ū), si sunt postas a pare chene distinghere sa longaria.

Ateras limbas allegadas in Africa de susu, innantis de su colunialismu europeu, fin sa limba franca mediterranea, unu ammisturu cun faeddos pigados dae arabu e limbas romanzas, e unu limbazu de s'ispagnolu chi nde aìant giuttu sos ebreos sefarditas.