Limbas de s'Italia

Dae Wikipedia, s'entziclopedia lìbera.

Nùgoro-Istemma.png
Articulu in nugoresu
Nùgoro-Istemma.png

Mappa limbistica de s'Italia.

Sa limba uffitziale de s'istadu italianu est s'italianu, idioma chi benit derèttu dae su toscanu, ma custu non che bocat su fattu chi si chistionen fìntzas atteras limbas, calicuna de cussas sènde a su matessi libellu, limbisticu e giuridicu (couffitzialidade), de s'italianu etottu: custas, chi sun limbas a banda dae s'italianu, si naran limbas de minorìa: tra custas, medas sun in periculu de sìche mòrrer, pro more de sa politica assimilatzionista chin sa cale s'istadu italianu at semper pessichìu sas minorìas.

Status a libellu legale[càmbia | edit source]

Reconnoschimèntu a libellu europeu[càmbia | edit source]

S'Italia at firmau sa Carta Europea pro sas Limbas Regionales o de Minorìa, ma depet galu ratificare su trattadu; duncas, a commo su chi narat sa Carta a tutela de sas limbas de minorìa non balet pro s'istadu italianu.

Sa Carta non narat, peròe, cale siat su discriminante chi permitit a un'idioma de li nàrrer "limba", cunsizànde de tènner in contu, in prus de caratteres limbìsticos ebbìa, fìntzas "cunsìderos psicologicos, sotziologicos e politicos".

Reconnoschimèntu dae s'istadu italianu[càmbia | edit source]

S'istadu italianu reconnoschet, sicund'a sa leze numeru 482 de su 15 de Nadale de su 1999 (Art. 2, comma 1), sas limbas de minorìa chi sichin: albanesu, cadelànu, tedescu, grecu, islovenu, croatu, frantzesu, francu-proventzale, friulanu, ladìnu, otzitanu, sardu. Sa leze, in prus, ischìrriat tra sos chi dìan èsser grupos de minorìa (albanesos, catalanos, populassiones germanicas, grecos, islovenos e croatos) e sos chi non lu dìan èsser (est a nàrrer, tottus sos atteros).

Reconnoschimèntu a libellu regionale[càmbia | edit source]

  • Badde de Aosta: su frantzesu est couffitziale pèri tottu sa regione (Le Statut spécial de la Vallée d'Aoste, Title VIe, Article 38); su tedescu no est uffitziale ma, de cada manera, reconnottu in sa Badde de Lys (Le Statut spécial de la Vallée d'Aoste, Title VIe, Art. 40 - bis).
  • Campania: su napulitanu est "promòghiu", ma non reconnottu, dae sa regione (Reg. Gen. nn. 159/I 198/I, Art. 1, comma 4).
  • Friuli-Venetzia Giulia: su friulanu e s'islovenu sun "promòghios", ma non reconnottos, dae sa regione (Leze regionale de su 18 de Nadale de su 2007, n. 29, Art. 1, comma 1 ; Leze regionale de su 16 de Sant'Andrìa de su 2007, n. 26, Art. 16).
  • Piemonte: su piemontesu no est uffitziale, ma reconnottu comente limba regionale (Cunsìzu Regionale de su Piemonte, Ordine de sa Die n. 1118, fattu presente in su 30/11/1999); sa regione "promòghet", chene reconnòscher, s'otzitanu, su francu-proventzale e su Walser (Leze regionale de si 10 de aprile de su 1990, n. 26, Art. 3, comma 1 bis).
  • Sardigna: su sardu est couffitziale (Leze regionale de su 15 de Santu Gabine de su 1997, n. 26) pèri tottu sa regione; su tataresu e su galluresu sun "promòghios" in ube si chistionan, comente a su cadelanu de s'Alighera e su tabarchinu in sas isulas de sa Meurreddìa.
  • Trentinu-Südtirol: su tedescu est couffitziale in sa provintzia de su Tirolu de Sud (Istatutu Ispetziale, Titulu XI, Articulu 99); su ladìnu, su cimbru e su mochenu non sun uffitziales ma reconnottos in ube si faveddan (Istatutu Ispetziale, Titulu XI, Articulu 102).
  • Venetu: su venetu no est uffitziale, ma reconnottu (Leze regionale de su 13 de aprile de su 2007, n. 8, Art. 2, comma 2).