Lista postale

Sa lista postale est unu servìtziu postu a disponimentu dae sos curreos a sas pessones chi non disponzant de un'agatadorzu firmu o chi, pro resones pròpias issoro, non disizent retzire sa currespondèntzia in domo.

In Itàlia, onzi ufìssiu postale disponet de una partzidura destinada a custu servìtziu. Naturarmente, pro poder retirare su curreu aderetadu a sa pessone pròpia, est pretzisu a amustrare unu documentu de identidade bàlidu. In logu de unu nùmene de pessone, in sa subra cun destinu a sa lista postale bi podet esser iscritu su còdighe de unu documentu de identidade (pabiru de identidade, passaportu, eac.): in su casu naradu, chi est tìpigu de sos annùntzios minores, cheret amustradu su documentu identificativu currespondedore a su còdighe inditadu in sa subra.

Totu sos tzitadinos ant deretu a su servìtziu de lista postale, e su deretu naradu podet esser limitadu petzi a degretamentu de s'autoridade zudissiària.

In zenerale, sas partziduras italianas de lista postale bardant sa currespondèntzia retzida pro sa dura de unu mese: in su casu chi, pustis coladu custu tèrmine, nemos si presentet pro la retirare, issa est torrada a s'imbiadore.

Su recursu a su servìtziu de lista postale resurtat meda pràtigu in sos biazos longos itineradores in logu istranzu, mancari a dies de oe, in bista de s'ispainadura de sa telemàtiga, sas pessones chi nde tirant profetu pro custu siant seguramente meda prus pagu numerosas chi una die.