Marrulleri

Su marrulleri est un’elementu de pedra, tzimentu o pràstiga, de forma bariàvile (tzilìndriga, parallelepìpeda, truncocòniga), cullocadu in s’oru de una carrera pro nd’alindare sa caminera. Sa finalidade sua est a sinzolare e protegher fraigos (peroe finas biadutos, cofos, àrvures, mureddos), inditende-nde sa presèntzia a sos automobilistas cun s’intentu de nde sarvabardare s’incolumidade.

Su marrulleri, si est ìntegru, si podet bider bene finas dae largu e in sas oras de note, ca est pintadu in arbu e nieddu e probidu de dispositivos torralughe.

Sos marrulleris zai s’impreaiant meda in antis de s’imbentu de sos beìculos motorizados. Intre sos fatos chi lu proant, si podet amentare su sonetu fontomadu de Carlo Porta de 1.814, “Paracar che scappee de Lombardia”, in ue sos militares frantzesos retziant s’aproerzu de “marrulleris” pro un’analozia intre sa forma de sos marrulleris e sa de sos sumbreris figurosos issoro.

Intre sas òperas de su Museu in s’àera lìbera Bilotti, ammanitzadu in sas carreras de Cusèntzia, b’at iscurturas de Pietro Consagra chi su tìtulu est “Sos Marrulleris”.