Natzionale sarda de Bòcia

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

Istemma de sa Natzionale Sarda

Sa Natzionale sarda de Bòcia est una rapresentativa de fùbalu (isport connotu in Sardigna siat cun cussu nùmene siat cun cussu de bòcia, chi est istadu cussu isseberadu dae sa FINS) de sa Sardigna, chi no est afiliada a sa FIFA ma a sa CONIFA, cunfederatzione de fùbalu internatzionale chi ponet in paris sas natzionales de natziones, etnias e pòbulos chene istadu, e est sa Natzionale de fùbalu de sa Sardigna.

Istòria[modìfica | modìfica su còdighe de orìgine]

Sas primas amistosas istòricas[modìfica | modìfica su còdighe de orìgine]

Sa prima aparitzione ufitziale documentada de una Natzionale sarda est de su 1990. Sa Natzionale inglesa fiat in Sardigna in ritiru pro sa preparatzione de sos Mundiales de Itàlia '90, in ue diat àere a pustis fintzas giogadu, in Casteddu, duas de sas tres partidas de sa fase a girones (contra a s'Egitu e a s'Irlanda).[1] Fiat istada duncas allestita una formatzione de sos mègius giogadores sardos piscados dae sa Sèrie C e dae sos Diletantes pro pòdere afrontare sos inglesos in sa proa pre-mundiale. Sos primos giogadores a bestire sa màllia de sa natzionale de sa Sardigna, suta de Mariano Dessì, decanu de sos allenadores sardos de cudda època, sunt istados Nioi in ghenna, Spano, Moru, Bortolini e Tomasso in defensa, Francesco Marroccu (su chi diat divènnere prus a tardu diretore isportivu de su Casteddu), Martinez, Tolu e Ennas in tzentru-campu, Corda e Gianfranco Zola, ùnicu professionista e tando militante in su Nàpoli friscu de Iscudetu.[1] In su segundu tempus sunt intrados fintzas Toffolon, Laconi, Carta, Nieddu, De Laura, Mura, Napoli, Fara, e Angioni. Sa partida est acabada 10-2 pro sos inglesos: in unu momentu fiat andada in avantàgiu sa Sardigna, ma petzi gràtzias a un'autogol voluntàriu de Steve McMahon in su primu minutu, in antis chi sos giogadores isolanos tocarent galu sa bòcia. Custu gestu aiat bòlidu rapresentare in manera metafòrica su chi diant èssere istadas eventuales atziones violentas de sos Hooligans, s'ala prus facinorosa de sos tifosos inglesos, in cussu tempus tìmidos in totu s'Europa.[2] A pustis de cussa manifestatzione sa partida, pro more de s'ischilìbriu mannu de fortzas, fiat istada dominada dae s'Inghilterra, chi aiat signadu cun McMahon, una tripletta de Neil Webb e una de Peter Beardsley, una dopieta de Steve Bull e una retze de David Platt. Pro Tomasso, in cada manera, b'at àpidu su matessi sa glòria de signare su primu gol de s'istòria de sa Natzionale.[3]

Foto de grupu de sa Natzionale sarda in su 1997 in antis de s'amistosa contra a sa Còrsica giogada in Nùgoro

Fiant colados 7 annos in antis de si torrare a bìdere un'iscuadra sarda in campu. In su trìulas de su 1997, in su Quadrivio de Nùgoro, gràtzias a su dirigente nugoresu de su partidu indipendentista sardu Sardigna Natzione Indipendentzia Francesco Cesaraccio, fiat istada organizada un' amistosa intre sas natzionales de sas Ìsulas sorres, Sardigna e Còrsica.[4] A diferèntzia de sa truma pro sa partida contra sos inglesos, s'iscuadra teniat medas calciadores professionistas e su mègius de su fùbalu sardu de tando. Su Commissàriu Tècnicu est istadu Tastaia Giagnoni, chi at mutidu in ghenna Gianfranco Pinna e Giuseppe Nioi. In defensa Gian Battista Scugugia, Vittorio Pusceddu, Gianluca Festa e Salvatore Matrecano. In tzentru-campu Pier Giovanni Rutzittu, Marco Sanna, Pietro Garau, Massimiliano Panes, Alessandro Manca, Igor Martzianu e duos fìgios de emigrados: su sardu-tedescu Sergio Dischentes e su sardu-olandesu Daniel Agus. In atacu Gianfranco Zola, Tomaso Tatti, Roberto Manca, Roberto Cau, Emanuele Matzuzzi e unu àteru emigradu, su sardu-belga Antonio Lai. De notare su fatu chi su portieri Nioi e Zola sunt istados sos ùnicos cunvocados in ambos sos apuntamentos, diveninde gai primatistas in sa classìfica de presèntzias. Sa partida fiat istada echilibrada e aiat bintu sa Sardigna pro 1-0 cun unu gol a su de binti minutos de su segundu tempus de Zola.[5]

Sos primos tentativos de afiliatzione internatzionale[modìfica | modìfica su còdighe de orìgine]

Custa operatzione est abarrada ocasionale, e petzi 11 annos a pustis s'est torradu a faeddare de Natzionale Sarda. In su 2008[1], difatis, a Gonnos Fanàdiga est istada fundada sa Lega Federale Calcio Sardigna (sighende s'esèmpiu de sa Lega Federale Calcio Padania) dae Giampiero Sogus cun, comente a vitze-presidente, su chi tando fiat sìndigu de sa bidda a sos pees de su Monte Linas, Sisinnio Zanda. Comente a cussigeris bi fiat s'albergatore Marco Sardu e comente a segretàriu s'abogadu Franco Loi. Deretu sa Lega benit iscrita a sa NF-Board, tando dedita a s'organizatzione de sas cumpetitziones "No-FIFA", intre sas cales sa VIVA World Cup.[6]

Fintzas abarrende ufitzialmente iscrita a sa cunfederatzione mundiale finas a s'isorvimentu suo, peruna natzionale sarda est istada mai costituida, mancu pro fàghere amistosas, si non pro unu torneu amatoriale in Toscana in ue Sogus matessi at iscritu un'iscuadra a nùmene "Sardigna" ma cun giogadores toscanos sena orìgines isolanas.

S'era FINS e s'afiliatzione a sa CONIFA[modìfica | modìfica su còdighe de orìgine]

Logotipu de sa Federatzione Isport Natzionale Sardu (FINS), federatzione isportiva nàschida in su 2012 e chi dae su 2018 gestit fintzas s'iscuàdra de fùbalu.

In su 2012[1], gràtzias a initziativas culturales de su partidu polìticu indipendentista ProgReS, benit creada sa Federatzione Isport Natzionale Sardu (FINS), cun s'obietivu de sa creatzione de issèberos natzionales sardos, non limitados petzi a su fùbalu. Sas primas esperièntzias difatis sunt relativas a sa creatzione de sa Natzionale de fùbalu a 5, chi siat in su 2012 siat in su 2013 intrat in campu in antis in Fordongianus e a pustis in Nùgoro pro duas amistosas cun s'issèberu omòlogu de sa Catalugna.[7]

In su matessi tempus, in su 2013, pro more de de s'arribu malasortadu in Sardigna de su Tziclone Cleopatra, chi at causadu 19 vìtimas, sa sotziedade sarda aiat torradu a propònnere sa costitutzione de un'issèberu de fùbalu, fintzas petzi pro un'amistosa de benefitzèntzia in gradu de collire dinare pro sas vìtimas e pro sa ricostrutzione de sos tzentros abitados corfidos dae sa perturbazione. Pro s'organizatzione si fiat ofertu su giornalista de Assèmini Vittorio Sanna, radiocronista de sas partidas de su 600px bisection HEX-DB150C HEX-002357 White square with four Black spots.svg Cagliari pro s'emittente privada Radiolina e si fiat postu in cuntatu cun sos medas giogadores professionistas sardos de s'època. A s'incumintzu s'organizatzione cheriat fàghere un'amistosa contra su matessi 600px bisection HEX-DB150C HEX-002357 White square with four Black spots.svg Cagliari , ma su chi tando fiat presidente, Massimo Cellino, no aiat dadu su cunsensu. S'aiatt intentadu posca duncas de organizare una àtera amistosa contra sa Còrsica e fiat istada fissada fintzas sa data a maju de s'annu imbeniente, ma a sa fine no si nd'aiat fatu prus nudda.[8][9]

Petzi 5 annos a pustis sos progetos de Sanna e s'organizatzione de sa FINS ant tentu sutzessu e su 13 de santugaine de su 2018 sa federatzione at annuntziadu s'afiliatzione a sa CONIFA (Confederation of Independent Football Associations), organismu internatzionale màssimu pro su fùbalu chi no est afiliadu a sa FIFA chi agrupat totu sas “natzionales chene istadu” e organizat, intre sas vàrias cumpetitziones, sa Copa de su mundu CONIFA, trofeu chi est andadu a remplasare sa VIVA World Cup organizada in suta de s'ègida de sa NF-Board. In su matessi momentu a s'intrada in CONIFA, sa FINS at annuntziadu sa partetzipatzione a sos Europeos de su 2019 in Artsakh. FINS - Federatzione Isport Natzionale Sardu, FINS intrat in CONIFA pro fàghere sa natzionale sarda de bòcia, in FINS-Sardigna, 13 santugaine 2018. URL consultadu su 5 martzu 2019.</ref> Sa chida imbeniente at annuntziadu su commissàriu tècnicu nou suo, su sardu de Triè Bernardo Mereu, allenadore istòricu sardu chi at ghiadu formatziones isolanas in medas campionados de professionista e interregionales.[10]

Sa prima partida de s'era FINS, sa de tres in totale de s'istòria de sa Natzionale, est istada giogada su 19 martzu 2019 in s'Istàdiu Franco Frogheri de Nùgoro contra a sos Istrangios de Sardigna, una truma formada dae sos mègius istràngios militantes in sas formatziones diletantìsticas sardas, e est istada binta dae sos sardos pro 7-1. In retze Francesco Virdis de su Savona cun una tripleta, Daniele Molino de su Sanremese, Samuele Spano de su Budune e Toni Gianni de su Latte Dolce. Pro s'ocasione sunt istados cunvocados prus de 50 giogadores: sos tzìrculu professionistas però, pro more de s'istajone isportiva in cursu, no ant dadu s'ab pro sa partetzipatzione. S'iscuadra est istada tando assentada dae giogadores diletantes ebbia, francu sos duos giogadores de s'Altzaghena e Robert Acquafresca (Sion) e Paolo Dametto (Feralpisalò) cun custos ùrtimos duos chi però sunt abarrados in banchita.[11]

Colores e sìmbulos[modìfica | modìfica su còdighe de orìgine]

Colores[modìfica | modìfica su còdighe de orìgine]

Dae sa gestione FINS, su colore printzipale impreadu est su birde craru ca, comente narat sa federatzione, est "unau richiamu istòricu e un'aùguriu a chi sa Sardigna torret, fintzas in su campu de su giogu de bòcia, a unu tempus de floridesa culturale e econòmica, gioghende e aberende·si in prima persona a su mundu".[12]

S'istemma[modìfica | modìfica su còdighe de orìgine]

S'istemma de sa Natzionale est un'iscudu attundadu cun elementos diferentes pigados dae sa cultura sarda. In s'ala de subra, in subra de s'isfundu birde est presente s'iscrita, in limba sarda, Sardigna e Natzionale de Bòcia. In s'ala printzipale sunt imbetzes presentes sos clàssicos Bator moros, fintzas si cun sa rughe de Santu Giòrghi in versione birde. In su tzentru de sa rughe, a pustis, in intro de unu pentàgonu birde pigadu dae s'istandard icònicu de sa bòcia de fùbalu, b'at un'àrbore irraighinadu istilizadu, su sìmbulu de su Giudicadu de Arborea, ùrtima entidade rapresentante sa Sardigna indipendente e sìmbulu chi totora caraterizat in unu muntone de variantes diferentes sos istemmas de prus de 80 comunas de s'Ìsula.[12]

Divisa[modìfica | modìfica su còdighe de orìgine]

In su primu incontru contra s'Inghilterra de su 1990 s'XI sardu est intradu in campu cun una màllia bianca cun minujas e collete a polu asulos, e sos caltzones rujos.[13] In sa segunda esperièntzia de su 1997 sa formatzione at impreadu unu cumpletu totu ruju cun una bandera de sos bator moros manna in petorras. In su 2018, a pustis de sa fundatzione noa de sa truma, sunt istadas presentadas sas màllias ufitziales noas prodùidas dae s'isponsor tècnicu Eye Sportswear. Pro sa prima màllia est istada isseberada una divisa bianca cun minujas birdes de medas tonalidades e una trama chi ammentat sos recramos tìpicos de s'artesania sarda in s'ala tzentrale de sa divisa, colores pigados dae su Giudicadu de Arborea, mentras pro sa màllia de trasferta s'est optadu pro una divisa totu ruja cun revessos biancos, in onore de sa bandera de sos bator moros.[14].

Records individuales[modìfica | modìfica su còdighe de orìgine]

Gianfranco Zola, possessore de su rècord de presèntzias in paris cun Giuseppe Nioi
  • Tabella agiornada a su 19 de martzu de su 2019. Su grassetu indicat giogadores galu in fainas in natzionale.
Record de presèntzias Record de retzes Record de presèntzias comente a capitanu
Pos. Giogadore Perìodu Presèntzias Retzes Pos. Giogadore Perìodu Retzes Presèntzias Retzes/pr. Pos. Giogadore Pres. capitanu
1 Gianfranco Zola 1990-1997 2 1 1 Francesco Virdis 2019- 3 1 3 1 Gianfranco Zola 1
2 Giuseppe Nioi 1990-1997 2 -5 2 Tomasso 1990 1 1 1 1 Vittorio Pusceddu 1
2 Daniele Bianchi 2019- 1 1 1 1 Claudio Pani 1
2 Daniele Molino 2019- 1 1 1
2 Samuele Spano 2019- 1 1 1
2 Toni Gianni 2019- 1 1 1
7 Gianfranco Zola 1990-1997 1 2 0.5

Capitanos[modìfica | modìfica su còdighe de orìgine]

Commissàrios tècnicos[modìfica | modìfica su còdighe de orìgine]

  • 1990: Mariano Dessì
  • 1997: Gustavo Giagnoni
  • 2018-: Bernardo Mereu

Partetzipatziones internatzionales[modìfica | modìfica su còdighe de orìgine]

Annu Resurtadu G V S GF GS
Lapònia 2014Lapònia no at leadu parte - - - - - -
Abcàsia 2016Abcàsia no at leadu parte - - - - - -
Bona 2018Flag of Ogaden National Liberation Front(2).svg no at leadu parte - - - - - -
Somaliland 2020Somaliland iscrita - - - - - -
Totale 0 0 0 0 0 0

Copa europea de fùbalu CONIFA[modìfica | modìfica su còdighe de orìgine]

Annu Resurtadu G V S GF GS
Terra de sos Sìculos 2015Székelyzászló(SZNT).png no at leadu parte - - - - - -
Tzipru Nord 2017Tzipru de su Nord no at leadu parte - - - - - -
Artsakh 2019Flag of Artsakh.svg partetzipante 0 0 0 0 0 0
Totale 0 0 0 0 0 0

Iscuadra atuale[modìfica | modìfica su còdighe de orìgine]

Lista de sos giogadores cunvocados pro s'amistosa de su 19 de martzu de su 2019 in s'Istàdiu Franco Frogheri de Nùgoro contra sos Istràngios de Sardigna, una rapresentativa de istràngios militantes in Sardigna.[15]

  • CT: Bernardo MereuSardigna

Presèntzias, retzes e numeratzione agiornadas a su 24 de martzu de su 2019.

N. Pos. Giocadore Data de nàschida (edade) Pres. Retzas Iscuadra
1 P Marco Ruzittu 15 làmpadas 1991 (27 annos) 1 -0 Sardegna Arzachena
99 P Alessandro Lai 1º ghennàrgiu 2000 (19 annos) 1 -1 Sardegna Latte Dolce
* P Simone Aresti 15 martzu 1986 (33 annos) 0 -0 Sardegna Cagliari
* P Mauro Vigorito 22 maju 1990 (28 annos) 0 -0 Italia Lecce
2 D Alessio Fadda 4 santugaine 1995 (23 annos) 1 0 Sardegna Atletico Uri
3 D Simone Varrucciu 11 cabudanne 1992 (26 annos) 1 0 Sardegna Budoni
4 D Marco Cabeccia 25 maju 1987 (31 annos) 1 0 Sardegna Latte Dolce
6 D Antonio Usai 21 trìulas 1993 (25 annos) 1 0 Sardegna Tortolì
15 D Giampaolo Sirigu 3 martzu 1994 (25 annos) 1 0 Italia Delta Porto Tolle
26 D Paolo Dametto 28 làmpadas 1993 (25 annos) 0 0 Italia Feralpisalò
27 D Marco Russu 15 santugaine 1995 (23 annos) 1 0 Sardegna Nuorese
* D Federico Boi 10 trìulas 1991 (27 annos) 0 0 Sardegna Castiadas
* D Antonio Aldo Caracciolo 28 làmpadas 1994 (24 annos) 0 0 Italia Cremonese
* D Andrea Congiu 19 nadale 1993 (25 annos) 0 0 Sardegna Lanusei
* D Dario Del Fabro 24 martzu 1995 (24 annos) 0 0 Italia Cremonese
* D Emerson Ramos Borges 16 austu 1980 (38 annos) 0 0 Italia Potenza
* D Riccardo Idda 26 nadale 1988 (30 annos) 0 0 Italia Cosenza
* D Davide Moi 7 làmpadas 1985 (33 annos) 0 0 Sardegna Arzachena
* D Nicola Murru 16 nadale 1994 (24 annos) 0 0 Italia Sampdoria
* D Simone Pinna 17 santugaine 1997 (21 annos) 0 0 Sardegna Olbia
* D Francesco Pisano 29 abrile 1986 (32 annos) 0 0 Sardegna Olbia
16 C Stefano Mereu 8 abrile 1987 (31 annos) 1 0 Sardegna Atletico Uri
19 C Andrea Porcheddu 19 austu 1999 (19 annos) 1 0 Sardegna Arzachena
21 C Daniele Bianchi 21 trìulas 1988 (30 annos) 1 1 Sardegna Latte Dolce
23 C Claudio Pani Captain sports.svg 11 martzu 1986 (33 annos) 1 0 Malta Sliema Wanderers
41 C Toni Gianni 8 martzu 1995 (24 annos) 1 1 Sardegna Latte Dolce
43 C Alessandro Masala 17 santandria 1996 (22 annos) 1 0 Sardegna Latte Dolce
* C Francesco Bianco 23 santandria 2000 (18 annos) 0 0 Sardegna Torres
* C Francesco Bombagi 7 cabudanne 1989 (29 annos) 0 0 Italia Pordenone
* C Salvatore Burrai 26 maju 1987 (31 annos) 0 0 Italia Pordenone
* C Davide Carrus 19 martzu 1979 (40 annos) 0 0 Sardegna Castiadas
* C Alessandro Deiola 1º austu 1995 (23 annos) 0 0 Sardegna Cagliari
* C Andrea Demontis 10 ghennàrgiu 1995 (24 annos) 0 0 Sardegna Lanusei
* C Francesco Dettori 2 martzu 1983 (36 annos) 0 0 Italia Potenza
* C Riccardo Doratiotto 7 làmpadas 1999 (19 annos) 0 0 Sardegna Cagliari
* C Andrea Feola 26 làmpadas 1992 (26 annos) 0 0 Italia Bari
* C Daniele Giorico 1º ghennàrgiu 1992 (27 annos) 0 0 Italia Virtus Verona
* C Stefano Guberti 6 santandria 1984 (34 annos) 0 0 Italia Siena
* C Pietro Ladu 2 làmpadas 1995 (23 annos) 0 0 Sardegna Lanusei
* C Karim Laribi 20 abrile 1991 (27 annos) 0 0 Italia Verona
* C Alessandro Masia 28 cabudanne 1995 (23 annos) 0 0 Italia Sandonà 1922
* C Marco Mancosu 22 austu 1988 (30 annos) 0 0 Italia Lecce
* C Mattia Muroni 6 abrile 1996 (22 annos) 0 0 Sardegna Olbia
* C Giuseppe Nuvoli 16 santandria 1987 (31 annos) 0 0 Sardegna Arzachena
9 A Robert Acquafresca 11 cabudanne 1987 (31 annos) 0 0 Svizzera Sion
10 A Francesco Virdis 16 ghennàrgiu 1985 (34 annos) 1 3 Italia Savona
20 A Samuele Spano 7 trìulas 1994 (24 annos) 1 1 Sardegna Budoni
22 A Paolo Palmas 4 austu 1993 (25 annos) 1 0 Sardegna Latte Dolce
25 A Alessandro Cadau 1º santugaine 1984 (34 annos) 1 0 Sardegna Muravera
42 A Emanuele Fini 30 abrile 2000 (18 annos) 1 0 Sardegna Latte Dolce
56 A Daniele Molino 15 ghennàrgiu 1987 (32 annos) 1 1 Italia Sanremese
- A Nicolò Sanna 5 cabudanne 1999 (19 annos) 1 0 Italia Latina
* A Andrea Cocco 8 abrile 1986 (32 annos) 0 0 Italia Padova
* A Matteo Mancosu 22 nadale 1984 (34 annos) 0 0 Italia Virtus Entella
* A Giuseppe Mastinu 9 santugaine 1991 (27 annos) 0 0 Italia Spezia
* A Antonio Mesina 11 ghennàrgiu 1993 (26 annos) 0 0 Sardegna Castiadas
* A Daniele Ragatzu 21 cabudanne 1991 (27 annos) 0 0 Sardegna Olbia
* A Andrea Sanna 25 ghennàrgiu 1983 (36 annos) 0 0 Sardegna Arzachena
* A Stefano Sarritzu 19 maju 1992 (26 annos) 0 0 Sardegna Torres
* A Marco Sau 3 santandria 1987 (31 annos) 0 0 Italia Sampdoria
* A Luigi Scotto 18 cabudanne 1990 (28 anni) 0 0 Italia Mantova
  • *: Sos giogadores indicados cun s'asteriscu no ant retzidu dae sas sotziedades propietàrias de su cartellinu su nudda-osta pro leare parte a s'amistosa.

Partidas giogadas[modìfica | modìfica su còdighe de orìgine]

Datat Cumpetitzione Logu Istàdiu Iscuadra de domo Acasagiados Resurtadu Tabellinu
5 làmpadas 1990 Amistosa Aristanis, Sardigna Istàdiu Cumonale Tharros SardignaSardigna Inghilterra Inghilterra 2-10 [3]
trìulas 1997 Amistosa Nùgoro, Sardigna Istàdiu Quadrivio SardignaSardigna CòrsicaCòrsica 1-0 [5]
19 martzu 2019 Amistosa Nùgoro, Sardigna Istàdiu Franco Frogheri SardignaSardigna Istràngios de SardignaFlag of the Istrangios Sardinia.png[16] 7-1 [11]
2 làmpadas 2019 Amistosa Terranoa, Sardigna Istàdiu Bruno Nespoli SardignaSardigna CòrsicaCòrsica

Organigramma[modìfica | modìfica su còdighe de orìgine]

De su situ web ufitziale de sa Federatzione Isport Natzionale Sardu[17]:

Truma Tècnica de sa Natzionale Sarda de Bòcia
  • Commissàriu tècnicu: Bernardo Mereu
  • Dirigente generale: Vittorio Sanna
  • Collaboradore tècnicu: Stefano Udassi
  • Diretore de s'iscuadra: Marcello Sanfelice
  • Allenadore de sos portieri: Giuseppe Nioi
  • Preparadore atlèticu: Fabrizio D'Elia
  • Magaziniere: Gigi Manca
  • Responsàbile Mèdicu: Giorgio Demuro
  • Mèdicu: Daniele Farci
  • Fisioterapista: Carlo Emanuele Pusceddu
  • Fisioterapista: Rossano Mastino
  • Fisioterapista: Emanuele Randelli
  • Segretàriu: Stefano Sedda
  • Relatziones pùblicas: Mattia Dessì

Notas[modìfica | modìfica su còdighe de orìgine]

  1. 1.0 1.1 1.2 1.3 (EN) The Sardinia National Team, NSS Magazine.
  2. (EN) England's Matches Unofficial 1946 onwards, in www.englandfootballonline.com. URL consultadu su 5 martzu 2019.
  3. 3.0 3.1 (IT) Federico Ventagliò, Quel precedente della Nazionale Sarda, in www.tuttocagliari.net, 26 gennaio 2015. URL consultadu su 5 martzu 2019.
  4. Bustianu Cumpostu - NATZIONALE SARDA 2019 - GIOGAT CRAS IN NUGORO MA EST GIUSTU A AMMENTARE ISCHIT NATZIONALE SARDA 1998
  5. 5.0 5.1 FINS - Federatzione Isport Natzionale Sardu: #SardinianFootballHistory (Pàgina ufitziale Facebook)
  6. (IT) Mario Carta, Un posto per i quattro mori ai mondiali di calcio, in La Nuova Sardegna, 10 dicembre 2008. URL consultadu su 5 martzu 2019.
  7. (IT) Nuoro ospita la Fins, catalani e sardi in un derby di futsal indipendentista, in Diario Sportivo, 27 trìulas 2013. URL consultadu su 5 martzu 2019.
  8. (IT) Nazionale Sardegna contro Cagliari: amichevole per gli alluvionati, in Goal.com, 26 santandria 2013. URL consultadu su 5 martzu 2019.
  9. (IT) Alluvione, nazionale sarda in campo contro la Corsica, in La Nuova Sardegna, 5 nadale 2013. URL consultadu su 5 martzu 2019.
  10. (IT) Bernardo Mereu è il CT della Nazionale Sarda, in FINS-Sardigna, 19 santugaine 2018. URL consultadu su 5 martzu 2019.
  11. 11.0 11.1 Fabio Frongia e Francesco Aresu, Natzionale sarda, 7 gol al debutto, in Centotrentuno.com, 19 martzu 2019.
  12. 12.0 12.1 FINS Sardigna, Lo Stemma, in www.fins-sardigna.net. URL consultadu su 5 martzu 2019.
  13. Filmadu vìdeu 5 giugno 1990: la "Nazionale" sarda sfida l'Inghilterra di Bobby Robson, SardegnaSport.com, 8 làmpadas 2016. URL consultadu su 5 martzu 2019.
  14. (ITL'Unione Sarda Mauro Madeddu. «La maglia della Sardegna La Nazionale di Mereu vestirà in biancoverde e rosso»comunecagliarinews.it/, 18 nadale 2018 (consultadu in data 5 martzu 2019).
  15. (IT) FINS Sardigna, Convocazioni Natzionale Sarda per la partita del 19 Marzo, in www.fins-sardigna.net. URL consultadu su 1º martzu 2019.
  16. Rapresentativa de giogadores istràngios militantes in Sardigna
  17. Federatzione Isport Natzionale Sardu, https://fins-sardigna.net/natzionale-sarda/staff-tecnicu/. URL consultadu su 6 martzu 2019.

Artìculos ligados[modìfica | modìfica su còdighe de orìgine]

Ligàmenes esternos[modìfica | modìfica su còdighe de orìgine]