OVRA
Limba Sarda Comuna. Abbàida sas àteras bariedades gràficas:
S'OVRA est istada sa politzia polìtica de s'Itàlia Fascista dae su 1927 a su 1943 e in sa Repùblica Sotziale Italiana dae su 1943 a su 1945.[1] Costituida a pustis de s'emanatzione de is leges fascistissimas in su 1926, e pretzèdidas dae sa gai narada "Ceka fascista", sa punna sua fiat sa castiadura e sa reprimida de organizatziones avolotadoras, chi podiant intramare contra su fascismu e s'Istadu. Fiat ispirada a Mussolini dae sa politzia polìtica soviètica, sa gai narada Čeka, e istituida comente a Ispetoradu ispetziale a sa fine de su 1926 dae de su cabu nou de sa politzia, Arturo Bocchini.[2]
Su nùmene, coniadu dae Benito Mussolini etotu, non fiat istadu mai ispricadu mancari unas cantas interpretatziones atribuint a s'acrònimu OVRA sos significados de "Òpera Voluntària pro sa Reprimida de s'Antifascismu", "Organizatzione de Vigilàntzia e Reprimida de s'Antifascismu" e "Òrganu de Vigilàntzia de is Reatos Antistatales". Su faeddu "ovra" est in limba italiana fintzas una variedade literària e disavesada de "òpera" (e fitnzas in s'acrònimu su primu faeddu prus comunemente atzetadu), annotamala bi s'agatat un'assimìgiu cun su fueddu "piovra" (in sardu: "purpu mannu") , chi ammentat un'idea de politzia comente is cambas de unu purpu.
Riferimentos
[modìfica | modìfica su còdighe de orìgine]- ↑ (IT) OVRA, in treccani.it.
- ↑ (IT) La storia - Il primo dopoguerra e il pericolo fascista, in interno.it. URL consultadu su 18 ghennàrgiu 2026 (archiviadu dae s'url originale su 3 maju 2010).