Omar Bandinu

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

Omar Bandinu
Tenores di bitti mialinu pira 2.jpg
Omar Bandinu in su Tenore de Bitzi "Mialinu Pira"
Informatziones
Nàschidu su 1974
Bitzi
Gènere musicale cantu a tenore, funky, soul, swing
Annos de atividade 1995-oe
Artistas assotziados Tenore de Bitzi "Mialinu Pira"
Istrumentos de annotu
pianoforte, tastieras

Omar Bandinu (Bitzi, 1974)[1] est unu cantadore e sonadore sardu, connotu mescamente pro s'atividade sua de cun su Tenore de Bitti "Mialinu Pira", in ue faghet su bassu.

Biografia[modìfica | modìfica su còdighe de orìgine]

Nàschidu in Bitzi, at incumintzadu a istudiare su pianoforte in s'Iscola Tzìvica de Mùsica de Nùgoro, e a pustis est intradu in su Cunservatòriu de Mùsica de Casteddu, in ue at acabadu sos istùdios de pianoforte in su 2000 e s'est laureadu fintzas in Mùsica Eletrònica in su 2005, e in Etnomusicologia in su 2012. In su 2006 at fintzas pigadu s'abilitatzione pro s'insegnamentu de sa mùsica.

Cun su Tenore de Bitzi at cantadu pro prus de 20 annos in logos medas de su mundu, dae sa Frantza a su Giapone, e at pigadu parte fintzas a atividades didàticas cun sas iscolas, sas universidades e àteras istitutziones che a sa Regione Sardigna e s'Unione Europea.[1][2]

Comente solista at collaboradu cun su cumponidore israelianu Yuval Avital, in progetos de chirca musicale in ue at rapresentadu sa raditzione de su cantu a tenore in paris cun àteros artistas ligados a maneras de cantare traditzionales e tìpicas de àteros logos de su mundu.[3][4] Unu de custos progetos est istadu Human Signs, nàschidu pro more de sa pandèmia de COVID-19.[2]

Sonat su pianu in su grupu I Nottambuli, cun sos cales at registradu in sos istùdios de Abbey Road in su 2005, e in s'Ethnico Project de Mauro Usai.[5]

Insegnat in su Litzeu Musicale Bustianu Satta de Nùgoro, e comente entomusicòlogu at collaboradu a s'Entziclopedia de sa Mùsica Sarda publicada dae s'Unione Sarda, e a cunferèntzias e seminàrios medas.

Sos discos[modìfica | modìfica su còdighe de orìgine]

Cun su Tenore de Bitzi "Mialinu Pira"[modìfica | modìfica su còdighe de orìgine]

  • 1998 - CD “Su Monte ‘e Mesus” registradu e mixadu in su Rockhouse Blu Studio de sos frades Erre, in Tàtari.
  • 2003 - CD “Tenores” VOL. 1 regorta cun àteros grupos registrada e mixada in su Live Studio de Marco Luzzu e Giovanni Carlini, in Casteddu.
  • 2004 - CD “Musica Sacra International” registradu dae su bivu in Germània, in Kaufbeuren, in sa Sea de St. Martin in su 29 de maju[6]
  • 2005 - CD Highlights of the 51st Cork International Choral Festival 2005 'Ethnic & Other Voices'[7]
  • 2005 - CD e DVD, Orchestra mediterrànea, registradu dae su bivu in Sao Paulo de su Brasile[8]
  • 2007 - CD Ost Soundtrack Meine schöne Bescherun. Colònia (Germània)[9] [10]

Cun I Nottambuli[modìfica | modìfica su còdighe de orìgine]

  • 2005 - CD A day in the life…at Abbey Road (registradu in sos istùdios de Abbey Road – Londra)[11]

A sa sola[modìfica | modìfica su còdighe de orìgine]

  • 2000 - CD Quarant’anni nel 2000, cuncursu de mùsica contemporànea, Cemat[12]

Riferimentos[modìfica | modìfica su còdighe de orìgine]

  1. 1.0 1.1 (IT) Omar Bandinu, in www.tenoresdibitti.com. URL consultadu su 17 làmpadas 2021.
  2. 2.0 2.1 (EN) Omar Bandinu, in Human Signs. URL consultadu su 17 làmpadas 2021.
  3. (IT) La voce e lo sfondo, in Il giornale della musica, 16 cabudanni 2014. URL consultadu su 17 làmpadas 2021.
  4. (IT) REKA v. 2 "Reka Re" di Yuval Avital, in I Teatri di Reggio Emilia. URL consultadu su 17 làmpadas 2021.
  5. Sonus de oi // Mauro Usai Quintet, in radiox.it, 31 maju 2021. URL consultadu su 17 làmpadas 2021.
  6. (EN) Musica Sacra International, Marktoberdorf, Bavaria, in Musical Pointers. URL consultadu su 10 làmpadas 2021.
  7. (EN) Cork International Choral Festival, in Corkchoral.ie. URL consultadu su 10 làmpadas 2021.
  8. (PT) SESC SP, in sescsp.org.br. URL consultadu su 10 làmpadas 2021.
  9. (DE) Meine schöne Bescherung der Film, in Meine schöne Bescherung der Film. URL consultadu su 10 làmpadas 2021.
  10. (ITEN) Tenores di Bitti Mialinu Pira, in www.tenoresdibitti.com. URL consultadu su 10 làmpadas 2021.
  11. (IT) BDIA - Beatlesiani d'Italia Associati - Sito Ufficiale - Home, in www.beatlesiani.com. URL consultadu su 10 làmpadas 2021.
  12. (IT) Cemat Italia, in Cemat Italia. URL consultadu su 10 làmpadas 2021.

Ligàmenes esternos[modìfica | modìfica su còdighe de orìgine]

Controllu de autoridadeVIAF (EN641146822111907380692 · MusicBrainz 95359333-b8a4-42f6-aa32-74b206f3864c · WorldCat Identities (EN641146822111907380692