Jump to content

OneCoin

Dae Wikipedia, s'entziclopedia lìbera.
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Su logo de OneCoin in sa ghenna de su fràigu de is ufìtzios in Sofia, Bulgaria, in su 2016

OneCoin est unu sistema de criptodinari fraudolentu[1][2] giutu dae is sotziedades offshore OneCoin Ltd, cun base in Bulgaria e registrada in Dubai, e OneLife Network Ltd (registrada in Belize), ambas fundadas dae Ruja Ignatova in paris cun Sebastian Greenwood.[3][4] OneCoin est cunsiderada unu sistema Ponzi pro more de su mecanismu suo de pagare is primos investidores impreende su dinare de is noos. Est istadu fintzas un'ischema piramidale pro s'arrolamentu de investidores sena frunire unu produtu reale.[5] Sa sotziedade teniat una base de datos sua de monedas imbetzes de impreare una cadena de blocos e non teniat prus unu protzessu de minadura chi limitaiat sa possibilidade de bogare dinari nou e ddu fàghere girare. Medas de is persones tzentrales de OneCoin fiant istadas giai implicadas in ischemas e pràticas malas in afares. [6] OneCoin est istada descrita dae The Times comente "una de is prus trampas mannas de s'istòria".[7]

S'acusa americana at afirmadu chi su progetu at balangiadu in totu su mundu belle 4 milliones de dòllaros.[8] In Tzina, is autoridades ant recuperadu 1,7 milliardos de yuan (267,5 milliones de dòllaros istadunidensos) e persighidu a 98 persones.[9] Ruja Ignatova est isparèssida in su 2017 cando est istadu presentadu un'òrdine segretu de arrestu de is Istados Unidos e frade suo, Konstantin Ignatov, at pigadu sa positzione sua in s'impresa. Su prus de is dirigentes de sa sotziedade sunt isparèssidos o sunt istados arrestados, mancari Ruja Ignatova siat fuida dae s'arrestu.[10] Greenwood est istadu arrestadu in su 2018[11] e Konstantin Ignatov in su martzu de su 2019.[12] In su mese de onniasantu de su 2019, Konstantin Ignatov s'est decraradu culpàbile de limpiadura de dinari e frode. Sa pena màssima totale pro is acusas est de 90 annos de presone.[13] In su 2022 Greenwood s'est decraradu culpàbile e in su 2023 est istadu cundennadu a 20 annos pro frode e limpiadura de dinari.[14]

Cuntzetu

[modìfica | modìfica su còdighe de orìgine]

OneCoin est istadu presentadu in sa fine de su 2014. Non fiat unu criptodinari detzentralizadu ma prus che totu un'ischema piramidale tzentralizadu acasagiadu in is serbidores de OneCoin Ltd chi fiat cummertziadu comente a criptodinari. Su cuntzetu est istadu istituidu dae Ruja Ignatova cun Sebastian Greenwood comente distribudore printzipale in sa piràmide.[15]

Segundu OneCoin, sa faina printzipale sua fiat sa de bèndere materiale didàticu pro su cummèrtziu de criptodinaris: is investidores podiant comporare "pachetes didàticos" chi costaiant intre 100 e 118.000 èuros,[16] o - segundu unu blog de s'indùstria - 225.500 èuros.[17] Is investores retziant fintzas "tokens" chi podiant èssere impreados pro s'estratzione de OneCoins, mancari non esisteret unu protzessu de estratzione reale.[18] S'est naradu chi s'estratzione si diat èssere fata in duos sitos in Bulgaria e unu in Hong Kong.[19]

S'ùnica manera de iscambiare OneCoins pro àteras monedas fiat su OneCoin Exchange ("xcoinx"), unu mercadu internu pro is membros chi aiant investidu prus de un'importu istabilèssidu. Sas OneCoins podiant èssere cambiadas cun èuros, chi fiant postos in unu "bussigheddu virtuale", dae in ue faghiat a pedire unu trasferimentu bancàriu. Su mercadu teniat lìmites de bèndida diàrios basadas in su pachete in ue su bendidore aiat investidu, limitende meda s'importu de OneCoins chi podiant èssere cuncambiados dae sas vìtimas de sa trampa. Comente a distribudore printzipale, su 5% de totu sas bèndidas de OneCoin andaiat a Greenwood, chi at balangiadu prus de 300 milliones de dòllaros. [15]

Su 1 de martzu de su 2016 OneCoin at ghetadu unu bandu internu narende chi su mercadu diat èssere serradu pro duas chidas pro mantenimentu e isprichende chi custu fiat pretzisu pro "su nùmeru mannu de minadores" e pro "una mègius integratzione cun sa cadena de blocos".[20] A pustis de àere torradu a abèrrere, est istadu serradu torra sena avisu in su ghennàrgiu de su 2017, mancari assotziados a s'azienda apant sighidu a atzetare fundos.[21][10]

Problemas legales e crìticas

[modìfica | modìfica su còdighe de orìgine]

2015

[modìfica | modìfica su còdighe de orìgine]

Su 30 de cabudanni de su 2015, sa Cummissione de Supervisione Finantziària de sa Bulgaria (FSC) at ghetadu un'avisu de arriscos possìbiles in is criptodinaris noos, tzitende OneCoin comente a esempru.[22] A pustis de s'avisu, OneCoin at sessadu totu is fainas in Bulgaria e at cumintzadu a impreare bancas in paisos istràngios pro tratare is trasferimentos bancàrios de is partetzipantes.[23]

2016

[modìfica | modìfica su còdighe de orìgine]
Ruja Ignatova, amministradora de OneCoin

Sa sotziedade e su progetu fiant in sa lista de osservatzione de autoridades medas; intre issos ddoe fiant autoridades de Bulgaria, Finlàndia,[16][24][25] Isvètzia,[26] Norvègia[27] e Letònia.[28] Is autoridades in paisos medas ant avisadu de su chi s'arriscat cun aziendas comente a OneCoin e ant aviadu atziones de giudìtziu contra a persones ligadas a OneCoin, comente a s'amministradora Ruja Ignatova e su frade Konstantin Ignatov.[12]

In martzu de su 2016, s'Assòtziu de sa Vendita Direta in Norvègia at ghetadu un'avisu contra a OneCoin, cumparende·ddu cun un'ischema a piràmide.[3]

In su mese de idas de su 2016, s'Autoridade Italiana de sa Cuncurrèntzia e su Mercadu "at cumandadu sa suspensione cautelare de sa subra-remonada faina de sa sotziedade One Life", e aviadu unu protzedimentu contra a is rapresentantes suos in Itàlia, descriende sa faina issoro comente a unu "sistema de bèndida piramidale proibidu dae sa lege", e ordinende de acabbare de promòvere e bèndere OneCoin in Itàlia.[29] Su 27 de freàrgiu de su 2017, a pustis de sa concruida de s'inchiesta issoro, AGCM at proibidu totu sa faina ligadas a OneCoin finas a annùntzios benidores.[30]

In su mese de idas de su 2016, sa Banca tzentrale ungheresa at ghetadu un'avisu chi OneCoin fiat un'ischema piramidale, e in Tzina in su matessi annu sunt istados arrestados membros e investidores medas de OneCoin e sunt istados secuestrados ativos de 30,8 milliones de dòllaros istadunidensos.[31][32]

2017

[modìfica | modìfica su còdighe de orìgine]

In su martzu de su 2017, sa Bancu natzionale croatu (HNB) at cussigiadu a su pùblicu de "donare atentzione manna" cun is detzisiones chi pertocant OneCoin, sende chi is operatziones OneCoin non sunt supervisionadas dae sa HNB, e at avisadu chi is pèrdidas possìbiles sunt a càrrigu de is investidores.[33]

Su 23 de abrile de su 2017, sa politzia indiana at arrestadu a 18 persones in Navi Mumbai pro s'organizatzione de un'esèrtzitu de reclutamentu OneCoin. Sa politzia at assistidu in segretu a s'addòbiu pro giudicare is acusas in antis de detzìdere de si mòere. Is investigatziones sunt sighidas cun s'intentu de rivelare is livellos prus artos de sa piràmide.[34][35] In maju, s'inchiesta at recuperadu 24,57 crores de rupias (3,32 milliones de dollaros istadunidensos) in chimbanta contos de banca. Unos àteros 75 crores de rupias (10,12 milliones de dollaros istadunidensos) sunt istados trasferidos a foras in antis chi is autoridades ddos apant pòdidos secuestrare.[36]  In su mese de maju, duas àteras persones sunt istadas arrestadas e àteros 24 crores de rupias (3,24 milliones de dollaros istadunidensos) sunt istados secuestrados dae contos de banca. Un'iscuadra ispetziale de 15 persones, intre is cales 4 ispetores assistentes de sa politzia, est istada formada a suta de s'ispetore senior de sa politzia Shivaji Awate cun sa punna de sighire sa pista de su dinare e, s'in casu mai, de giùghere a àteros arrestos.[37]

Su 27 de abrile de su 2017, s'Autoridade Federale de Supervisione Financiera (BaFin) de Germània at emìtidu òrdines a Onecoin Ltd, Dubai, e OneLife Network Ltd, Belize de firmare is fainas.[38] S'Autoridade at concruidu chi su cummèrtziu de OneCoins fiat cummèrtziu fraudolentu de "fundos pròpios".[38]

Su 28 de abrile de su 2017, sa Banca de Tailàndia at ghetadu un'avisu contra a OneCoin, afirmende chi fiat una moneda digitale contras a sa lege e chi non diat dèpere èssere impreada in su cummèrtziu.[39]

Su 29 de maju de su 2017, sa Commissione Internatzionale de is Servìtzios Finanziàrios de Belize (IFSC) at ghetadu un'avisu narende chi OneLife Network Ltd fiat faghende cummèrtziu sena una lissèntzia o permissu de IFSC o de cale si siat àtera autoridade. A OneLife Network Ltd dd'ant intimadu de sessare sa faina illegale.[40]

Su 16 de ghennàrgiu de su 2017, su CEO de OneCoin Ltd. at afirmadu chi OneCoin fiat istada autorizada dae su guvernu vietnamita, chi fiat permìtidu dae sa lege a dd'impreare comente a unu dinari digitale e chi fiat su primu in Àsia autorizadu in manera ufitziale dae cale si siat guvernu.[41] Su 20 de làmpadas de su 2017, su Ministeru de sa Pianificatzione e Investimentu de su Vietnam (MPI) at decraradu chi su documentu chi OneCoin at impreadu comente a proa fiat farsu e chi su documentu fiat contràriu a sa normativa de su MPI e chi sa persone chi nanca dd'aiant firmadu non fiat in sa positzione decrarada dae su documentu in su momentu de sa creatzione. MPI at avèrtidu a is privados e is aziendas de donare atentzione si aerent atopadu su documentu in su raportu de afàrios.[42][41]

Su 10 de trìulas de su 2017, Ruja Ignatova, s'amministradora, est istada acusada in Ìndia de trampare a is investidores comente parte de s'indàgine indiana.[6]

2018

[modìfica | modìfica su còdighe de orìgine]
S'ufìtziu de OneCoin in Sofia, Bulgaria, in su 2016

In su 17 e 18 de ghennàrgiu de su 2018, sa politzia bùlgara est atzocada in s'ufìtziu de OneCoin in Sofia, pro voluntade de sa procura de Bielefeld, in Germània. Sa politzia tedesca e s'Europol ant pigadu parte a s'arrestu e a s'imbìstigu. In prus, 14 àteras aziendas ligadas a OneCoin, sunt istadas investigadas e 50 testimòngios sunt istados interrogados. Is serbidores de OneCoin e àteras proas materiales sunt istados secuestrados.[43]

Su 3 de maju de su 2018, sa Banca tzentrale de Samoa (CBS) at proibidu totu is transatziones esternas ligadas a OneCoin e OneLife.[44] Sa banca aiat giai ghetadu un'avisu in contu de OneCoin in su mese de martzu.[45] Sa CBS descriet OneCoin comente a ischema piramidale de arriscu artu meda.

Su collaboradore de Ruja Ignatova e co-fundadore de OneCoin Sebastian Karl Greenwood (de 47-48 annos) est istadu arrestadu in Tailàndia in su mese de trìulas de su 2018, abetende s'estraditzione a is Istados Unidos. Greenwood est babbu de bator fìgios e tzitadinu de Isvètzia e de su Regnu Unidu.[14][46][11] Greenwood at impreadu su dinari de OneCoin pro comporare propiedades immòbiles internatzionales, bestimenta e rellògios caros, e pro dare un'antìtzipu de 6.500.000 kr pro unu yacht Sunseeker.[46]

2019

[modìfica | modìfica su còdighe de orìgine]

Su frade de Ruja Ignatova, Konstantin Ignatov, est istadu arrestadu in su martzu de su 2019.[12] In unu patu de su 4 de santugaine (fatu pùblicu su 12 de santandria), at cunfessadu sa frode e sa limpiadura de dinari ligadas a su progetu.[47]

Su 21 de santandria de su 2019 su Tribunale Federale de New York at decraradu a s'abogadu Mark Scott culpàbile de limpiadura de dinari e frode bancària pro su ruolu suo in sa trasmissione de 400 milliones de dòllaros istadunidensos dae is Istados Unidos.[48]

Su 24 de santandria de su 2019 sa BBC at publicadu un'imbìstigu minudosu in contu de OneCoin e Ignatova, intitulada "Cryptoqueen: How this woman scammed the world, then vanished" (Ciypto-reina: Comente custa fèmina at ingannadu su mundu, e poi est isparèssida". Is giornalistas pensant chi Ignatova bivat in Francoforte cun una identidade farsa.[49]

2021

[modìfica | modìfica su còdighe de orìgine]

Sa sotziedade OneCoin, Ruja Ignatova e Gilbert Armenta sunt istados cundennados pro inacumprimentu unu protzessu in cursu in is Istados Unidos.[50]

2022

[modìfica | modìfica su còdighe de orìgine]

In su maju de su 2022, s'Europol at agiuntu s Ignatova a sa lista de "is prus chircados de s'Europa", oferende una ricumpensa de 5.000 € pro informatziones chi portent a s'arrestu suo.[51][52] Su 30 de làmpadas, su Federal Bureau of Investigation at agiuntu a Ignatova a sa lista de is prus fuidores chircados de s'FBI, oferende una ricumpensa de finas a 100.000 $ pro informatziones chi portent a s'arrestu suo.[53]

In su mese de idas, Greenwood s'est decraradu culpàbile de frode e limpiadura de dinari in unu tribunale federale de is Istados Unidos.[14]

2023

[modìfica | modìfica su còdighe de orìgine]

In su martzu de su 2023, s'èx responsàbile legale e de cunformidade de OneCoin Irina Dilkinska est istada arrestada e est istada estradada dae sa Bulgaria a is Istados Unidos.[54]

Frank Schneider, ex responsàbile de s'inteligèntzia de su Lussemburgu e cussigeri de Ignatova, est fuidu.[55] Is giornalistas ant sugeridu chi Ignatova diat pòdere èssere istadu assassinadu.[55]

In su cabudanni de su 2023, Greenwood est istadu cundennadu a 20 annos de presone federale (mancu 5 annos giai iscontados) dae unu tribunale federale de New York.[14][56][46]

2024

[modìfica | modìfica su còdighe de orìgine]

Dilkinska at ammìtidu sa culpa sua e est istada cundennada a bator annos de presone.[57]

Su Procuratore Generale de sa Bulgaria at incumentzadu su protzedimentu pro cunfiscare totu is propiedades de Ignatova in Bulgaria.[58][59] Is autoridades americanas ant postu unu cumpensu de chimbe milliones de dòllaros a chie portet informatziones de utilidade pro arrestare a Ignatova.[58][59][60]

Riferimentos

[modìfica | modìfica su còdighe de orìgine]
  1. ↑ David Z. Morris, The Rise of Cryptocurrency Ponzi Schemes, in The Atlantic, 31 maju 2017. URL consultadu su 5 làmpadas 2017 (archiviadu dae s'url originale su 31 maju 2017).
  2. ↑ Survey: Malaysians Warm Up to Cryptocurrencies, in Nasdaq, 2 làmpadas 2017. URL consultadu su 5 làmpadas 2017 (archiviadu dae s'url originale su 2 làmpadas 2017).
  3. ↑ 3.0 3.1 Vil ikke være politi, in Direktesalgsforbundet Norge, 3 martzu 2016. URL consultadu su 25 martzu 2016 (archiviadu dae s'url originale s'8 martzu 2016).
  4. ↑ 'Cryptoqueen' brother admits role in OneCoin fraud, in BBC News, 14 santandria 2019. URL consultadu su 19 santandria 2019 (archiviadu dae s'url originale su 14 santandria 2019).
  5. ↑ (EN) Jamie Bartlett, The Missing Cryptoqueen, Ebury Publishing, 23 làmpadas 2022, ISBN 978-0-7535-5960-4.
  6. ↑ 6.0 6.1 (EN) Srinith Rao, OneCoin fraud: Chargesheet says accused amassed Rs 75 crore, in The Indian Express, 10 trìulas 2017. URL consultadu su 26 trìulas 2022 (archiviadu dae s'url originale su 5 trìulas 2022).
  7. ↑ Jamie Bartlett, The £4bn OneCoin scam: how crypto-queen Dr Ruja Ignatova duped ordinary people out of billions — then went missing, in The Times, 15 nadale 2019. URL consultadu su 26 trìulas 2022 (archiviadu dae s'url originale su 15 nadale 2019).
  8. ↑ (EN) Alison Frankel, In $4 billion OneCoin fraud, jurisdiction dooms claims against ex-Big Law partner, in Reuters, 22 cabudanni 2021. URL consultadu su 26 trìulas 2022 (archiviadu dae s'url originale su 26 trìulas 2022).
  9. ↑ Yingzhi Yang, China prosecutes 98 people, recovers US$268 million in OneCoin cryptocurrency investigation, report says, in South China Morning Post, 29 maju 2018. URL consultadu su 29 maju 2018 (archiviadu dae s'url originale su 29 maju 2018).
  10. ↑ 10.0 10.1 James Marson, OneCoin took in billions. Then its leader disappeared., in Financial News, 27 austu 2020. URL consultadu su 27 austu 2020 (archiviadu dae s'url originale su 18 cabudanni 2020).
  11. ↑ 11.0 11.1 Wassayos Ngamkham, Cops take new tack as crime goes global, in Bangkok Post, 8 santandria 2018. URL consultadu su 12 martzu 2019 (archiviadu dae s'url originale su 22 ghennàrgiu 2023).
  12. ↑ 12.0 12.1 12.2 Manhattan U.S. Attorney Announces Charges Against Leaders Of "OneCoin," A Multibillion-Dollar Pyramid Scheme Involving The Sale Of A Fraudulent Cryptocurrency, in Justice.gov, United States Department of Justice, 8 martzu 2019. URL consultadu su 12 martzu 2019 (archiviadu dae s'url originale s'8 martzu 2019).
  13. ↑ Cryptoqueen brother admits role in OneCoin fraud, in BBC News, 14 santandria 2019. URL consultadu su 19 santandria 2019 (archiviadu dae s'url originale su 14 santandria 2019).
  14. ↑ 14.0 14.1 14.2 14.3 Max Matza, Cryptoqueen: Accomplice jailed for 20 years for OneCoin financial scam, in BBC News, 12 cabudanni 2023. URL consultadu su 17 santugaine 2023.
  15. ↑ 15.0 15.1 (EN) Kevin Breuninger, Co-founder of $4 billion crypto fraud scheme gets 20 years in prison, 'Cryptoqueen' partner remains at large, in CNBC, 12 cabudanni 2023. URL consultadu su 18 santugaine 2023.
  16. ↑ 16.0 16.1 YLE, Finns investing millions in new virtual currency; police keeping tabs on case, in yle.fi, 14 martzu 2016. URL consultadu su 12 austu 2016 (archiviadu dae s'url originale su 14 martzu 2016).
  17. ↑ OneCoin investment packages approach a quarter million Euros, in Behind MLM, 18 santugaine 2016. URL consultadu su 26 cabudanni 2019 (archiviadu dae s'url originale su 26 cabudanni 2019).
  18. ↑ Yiannis Papadopoulos, Cryptoqueen disappears, leaving havoc in her wake, in Kathimerini, 24 nadale 2019. URL consultadu su 26 trìulas 2022 (archiviadu dae s'url originale su 3 trìulas 2022).
  19. ↑ U.S. v. Konstantin Ignatov Complaint, in United States District Attorney's Office Southern District of New York, 6 martzu 2019. URL consultadu su 26 trìulas 2022 (archiviadu dae s'url originale su 12 abrile 2022).
  20. ↑ OneCoin – Uusi pyramidihuijaus? KRP: Rikosta voidaan arvioida luotettavasti vasta myöhemmin, in murobbs.muropaketti.com, 2 martzu 2016. URL consultadu su 24 martzu 2016 (archiviadu dae s'url originale su 23 abrile 2016).
  21. ↑ OneLife suspend OneCoin withdrawals, affiliates can't cash out, in behindmlm.com, 15 ghennàrgiu 2017. URL consultadu su 26 abrile 2017 (archiviadu dae s'url originale su 15 ghennàrgiu 2017).
  22. ↑ (BG) FSC, СЪОБЩЕНИЕ – OneCoin, in fsc.bg, 30 cabudanni 2015. URL consultadu su 12 austu 2016 (archiviadu dae s'url originale su 23 santandria 2015).
  23. ↑ OneCoin lose last bank account, unable to accept wires, in behindmlm.com. URL consultadu su 15 santandria 2016 (archiviadu dae s'url originale su 16 santandria 2016).
  24. ↑ (FI) Poliisi, KRP ON SELVITTÄNYT ONECOIN-VIRTUAALIRAHAA, in poliisi.fi, 11 abrile 2015. URL consultadu su 12 austu 2016 (archiviadu dae s'url originale su 5 santandria 2015).
  25. ↑ (FI) Helsingin Sanomat, Krp ei aloita tutkintaa Onecoin-valuutasta – kehottaa silti erityiseen varovaisuuteen, in hs.fi, 4 santandria 2015. URL consultadu su 12 austu 2016 (archiviadu dae s'url originale su 4 santandria 2015).
  26. ↑ (SV) Lotteri Inspektionen, OneCoins verksamhet polisanmält för misstänkt brott mot lotterilagen, in lotteriinspektionen.se, 27 ghennàrgiu 2016. URL consultadu su 12 austu 2016 (archiviadu dae s'url originale su 29 ghennàrgiu 2016).
  27. ↑ (NO) direktesalgsforbundet.no, Vil ikke være politi, in direktesalgsforbundet.no, 3 martzu 2016. URL consultadu su 12 austu 2016 (archiviadu dae s'url originale s'8 martzu 2016).
  28. ↑ (LV) FKTK brīdina par OneCoin sniegtajiem pakalpojumiem, in fktk.lv, 11 martzu 2016. URL consultadu su 12 austu 2016 (archiviadu dae s'url originale su 16 martzu 2016).
  29. ↑ PS10550 – Vendite piramidali: sospesa in via cautelare la promozione della criptomoneta OneCoin, in agcm.it. URL consultadu su 30 nadale 2016 (archiviadu dae s'url originale su 31 nadale 2016).
  30. ↑ PS10550 – Vendite piramidali: Antitrust sospende la promozione della criptomoneta OneCoin da parte di One Life, in agcm.it. URL consultadu su 12 martzu 2017 (archiviadu dae s'url originale s'8 maju 2017).
  31. ↑ Fokozott kockázatot hordoznak a világhálón elérhető virtuális fizetőeszközök (in Hungarian), in mnb.hu. URL consultadu su 22 nadale 2016 (archiviadu dae s'url originale su 22 nadale 2016).
  32. ↑ behindmlm.com, Chinese authorities investigating OneCoin, investors arrested, in behindmlm.com, 27 abrile 2016. URL consultadu su 12 austu 2016 (archiviadu dae s'url originale su 29 abrile 2016).
  33. ↑ (EN) OneCoin product carries many risks - CNB - HNB, in web.archive.org, 27 austu 2017. URL consultadu su 4 santugaine 2024 (archiviadu dae s'url originale su 27 austu 2017).
  34. ↑ The Hindu, 18 held for organising Ponzi scheme seminar, in The Hindu, 25 abrile 2017. URL consultadu su 25 abrile 2017 (archiviadu dae s'url originale su 24 abrile 2017).
  35. ↑ The Afternoon, Raid on OneCoin, brings out lakhs of coins, in afternoondc.in, 25 abrile 2017. URL consultadu su 27 abrile 2017 (archiviadu dae s'url originale su 26 abrile 2017).
  36. ↑ OneCoin fraud: Cops recover Rs 24 crore from 9 banks, Times of India, 13 maju 2017. URL consultadu su 13 maju 2017 (archiviadu dae s'url originale su 13 maju 2017).
  37. ↑ The Hindu, 2 more held in OneCoin scam, in The Hindu, 18 maju 2017. URL consultadu su 19 maju 2017 (archiviadu dae s'url originale su 20 maju 2017).
  38. ↑ 38.0 38.1 Onecoin Ltd (Dubai), OneLife Network Ltd (Belize) und One Network Services Ltd (Sofia/Bulgaria): BaFin issues cease and desist orders holding the companies to stop own funds trading in 'OneCoins' in Germany, BaFin Federal Financial Supervisory Authority. URL consultadu su 19 nadale 2019 (archiviadu dae s'url originale su 17 nadale 2019).
  39. ↑ Bangkok Post, BoT warns public about OneCoin currency, in Bangkok Post, 28 abrile 2017. URL consultadu su 28 abrile 2017 (archiviadu dae s'url originale su 22 ghennàrgiu 2023).
  40. ↑ IFSC, One Life Network Limited, in ifsc.gov.bz, 29 maju 2017. URL consultadu su 30 maju 2017 (archiviadu dae s'url originale s'8 cabudanni 2017).
  41. ↑ 41.0 41.1 Behind MLM, OneCoin Vietnamese regulatory document forged, govt says, in behindmlm.com, 20 làmpadas 2017. URL consultadu su 22 làmpadas 2017 (archiviadu dae s'url originale su 24 làmpadas 2017).
  42. ↑ (VI) Báo Đấu thầu, Cảnh báo việc giả mạo văn bản của Bộ Kế hoạch và Đầu tư, Cục Quản lý đấu thầu, in baodauthau.vn, 20 làmpadas 2017. URL consultadu su 22 làmpadas 2017 (archiviadu dae s'url originale su 22 làmpadas 2017).
  43. ↑ The Sofia Globe, Bulgarian special prosecutors join in anti-money laundering operation against OneCoin, in sofiaglobe.com, 19 ghennàrgiu 2018. URL consultadu su 19 ghennàrgiu 2018 (archiviadu dae s'url originale su 19 ghennàrgiu 2018).
  44. ↑ Central Bank of Samoa Blocks All OneCoin Cryptocurrency Transactions, Central Bank of Samoa, 21 martzu 2018. URL consultadu su 6 maju 2018 (archiviadu dae s'url originale su 7 maju 2018).
  45. ↑ Central Bank of Samoa, Warning on ONECOIN Cryotocurrency, in cbs.gov.ws, 21 martzu 2018. URL consultadu su 6 maju 2018 (archiviadu dae s'url originale su 7 maju 2018).
  46. ↑ 46.0 46.1 46.2 Chris King, Sebastian Karl Greenwood: Swedish 'OneCoin' Founder Sentenced To 20 Years In Prison, in EuroWeekly News, 12 cabudanni 2023. URL consultadu su 17 santugaine 2023.
  47. ↑ 'Cryptoqueen' brother admits role in OneCoin fraud, in BBC News, 14 santandria 2019. URL consultadu su 19 santandria 2019 (archiviadu dae s'url originale su 14 santandria 2019).
  48. ↑ OneCoin lawyer found guilty in 'crypto-scam', in BBC News, 21 santandria 2019. URL consultadu su 24 santandria 2019 (archiviadu dae s'url originale su 23 santandria 2019).
  49. ↑ Cryptoqueen: How this woman scammed the world, then vanished, in BBC News, 24 santandria 2019. URL consultadu su 24 santandria 2019 (archiviadu dae s'url originale su 21 nadale 2020).
  50. ↑ Jamie Crawley, $4B Ponzi Scheme OneCoin and 'CryptoQueen' Leader Found in Default in US Lawsuit, in Yahoo Finance, 18 maju 2021. URL consultadu su 19 maju 2021 (archiviadu dae s'url originale su 19 maju 2021).
  51. ↑ (EN) Europe's most wanted, in Europe's most wanted, 11 maju 2022. URL consultadu s'11 maju 2022 (archiviadu dae s'url originale su 5 làmpadas 2022).
  52. ↑ (RO) Florentina Dragu, "Regina cripto", pe lista celor mai căutați fugari VIDEO, in Profit.ro, 12 maju 2022. URL consultadu su 30 làmpadas 2022 (archiviadu dae s'url originale su 25 cabudanni 2022).
  53. ↑ (EN) Ken Dilanian e Tom Winter, The 'CryptoQueen' is now one of the FBI's 10 Most Wanted, in NBC News, 30 làmpadas 2022. URL consultadu su 30 làmpadas 2022 (archiviadu dae s'url originale su 3 làmpadas 2022).
  54. ↑ (EN) Bulgarian Woman Charged For Role In Multi-Billion-Dollar Cryptocurrency Pyramid Scheme "OneCoin" And Extradited From Bulgaria To The United States, in www.justice.gov, 21 martzu 2023.
  55. ↑ 55.0 55.1 Rob Byrne, Cryptoqueen: Adviser to missing fugitive disappears, in BBC News, 9 làmpadas 2023. URL consultadu su 10 làmpadas 2023.
  56. ↑ (EN) Southern District of New York | Co-Founder Of Multibillion-Dollar Cryptocurrency Scheme “OneCoin” Sentenced To 20 Years In Prison | United States Department of Justice, in www.justice.gov, 12 cabudanni 2023. URL consultadu su 7 santugaine 2024.
  57. ↑ Bob Van Voris, OneCoin Executive Gets Four Years Over $4 Billion Crypto Scam, in Bloomberg.com, 3 abrile 2024. URL consultadu su 26 làmpadas 2024.
  58. ↑ 58.0 58.1 Bulgaria to charges, seize property of ‘cryptoqueen’ Ignatova, in The Sofia Globe, 26 làmpadas 2024. URL consultadu su 26 làmpadas 2024.
  59. ↑ 59.0 59.1 US Offers $5 Million Bounty for Arrest of Bulgarian Ruja Ignatova in Massive Fraud Case, in Novinite.com, 26 làmpadas 2024. URL consultadu su 26 làmpadas 2024.
  60. ↑ (EN) RUJA IGNATOVA, in Federal Bureau of Investigation. URL consultadu su 19 martzu 2025.
Bogadu dae "https://sc.wikipedia.org/w/index.php?title=OneCoin&oldid=185926"