Padanismu

Articulu in nugoresu

Su Sole de sas Alpes, sa bandera chi sos attivistas intenden comente simbulu de sa gòi nada Padania.

Su padanìsmu est una forma de natzionalismu rezonalista chi cheret prus autonomia, o fìntzas s'indipendentzia dae s'Italia, pro unu trettu mannu chi sos attivistas li naran "Padania".

Sa Liga Nord, una federassione de partidos rezonales in Italia de susu, est s'assotziu politicu padanista prus mannu, ma bi nde at peri atteros minores (comente sa Liga Padana e sa Liga Padana Lombardia, pro esempiu).

In su 1996, bi at apiu unu movimentu separatista chi an fundàu in Venetu e est addurau pacu, su Movimentu Indipendentista Padanu, in ube aìan decraràu una non menzus pretzisada "Repubrica Federale de Padania". Un'atteru, sa Repubrica Federale Veneto-Padana, fit naschiu in su 1999 e est adduràu issu puru pro carchi annu ebbìa.

Bi at fintzas sa presentzia de intellettuales, comente a Gilberto Oneto, Giancarlo Pagliarini, Leonardo Facco e a pustis Gianfranco Miglio, chi sì nche fin andaos dae sa Liga ma sichin a esser padanistas cumbintos. In su mese de jannarju de su 2002 unu ex-editorialista de La Padania, de lùmen Gianluca Marchi, at prubicàu su paperi online L'Indipendenza , chi punnat a esser sa boche de su padanismu libertarianista. Oneto, Pagliarini e Facco sichin a bi iscrìver articulos in custu zornale.