Padre Luca Cubeddu

Dae Wikipedia, s'entziclopedia lìbera.


Articulu in logudoresu

Juanne Pedru Cubeddu (dae totu connotu che a Padre Luca Cubeddu) est istadu unu de sos prus mannos poetes in limba sarda (calecunu lu cramat su Dante sardu). Naschidu in Pattada in su 1748, mortu in Oristanis in su 1828.

Imbiadu a Tathari dae criadura, at istudiadu chin sos Iscolopios; diventadu padre, pro carchi annu est andadu totu bene finas chi no b’apeit una morte in cheja; calecunu penseit chi fit gurpa sua e tando isse si deit a bandidare in sas campagnas de Pattada e de Bitti; si contat chi pro annos, donzi dominiga, narait missa sutta unu cherzu posca de aer fatu accudire totu sos bandidos de sa leada. Isteit su primu poete de s’arcadia sarda. In sos urtimos annos de sa vida che torreit a s’ordine torrende a preigare e a issinzare. In mesu a sas operas suas ammentamus:

Isculta, Clori ermosa - Sos ingannos de su mundu - Sos piagheres mundanos - Su leone e-i su molente, Paris e s’hermosa Elena: ossiat sa distruzione de Troja - S’amante e-i sas deas de Parnasu. Elogiu de nostra Signora - Sa cantone de sardos, Sa femina onesta - Sa cantone de Paris - Amore esaltadu – Su Cucu e-i sa rundine Archiviadu su 30 cabudanni 2007 in s'Internet Archive., e bai nebde.

Tocat de narrer chi cando fit bandidende, ja s’ischit, bi cheret dinari, tocat de manigare e de si cuverenare dae su fritu e-i s’abba. Seguramente Padre Luca Cubeddu, in su bandidonzu, at dadu medas de sas poesias suas in cambiu de piagheres e de ajudigheddos; e bai s’agatat poetes chi poetes no sunt mai istados chi ant publicadu a lumene issoro operas chi no fint a manera de ponnere a pari e b’at per esempiu unu bitichesu chi, istranu ma ‘eru, iscriet a sa pattadesa. Pro che l’agabare cherimus narrer chi a su ‘arriu de operas a isse “atribuidas” tocat de b’agianghere totu cussas chi che l’ant obigadu.

Obras[modìfica | modìfica su còdighe de orìgine]

  • Su cuccu e sa rondine. Su leone e s’ainu. Protesta de amore. Sa femina onesta
  • Sa congiura iscoberta de sos troianos madamizantes: dramma sardu
  • Sa famosa Giuditta: Su rusignolu: ottava rima sarrada
  • Apollo. Sa dama incantadora: poesias sardas
  • Lodes de sa bellesa. Sa femmina onesta
  • Sos piagheres mundanos: cantigu in limba sarda logudoresa
  • Sa potenzia de Deus, o siat Veridade e grandesa de sa religione cristiana: cantigu cumpostu in limba sarda logudoresa
  • Sa rosa. Sas tres rosas. S’amante e sas deas de su parnasu
  • a nobilissima dama incantadora. Esagerazione amorosa. Apollo cun sas musas d’Elicona

Ligàmenes esternos[modìfica | modìfica su còdighe de orìgine]

Controllu de autoridadeVIAF (EN50600355 · CIRIS (IT488 · LCCN (ENn83123949 · SBN (ITSBLV167373 · WorldCat Identities (ENn83-123949