Presonia de Patrick Zaki

Dae Wikipedia, s'entziclopedia lìbera.
(Reindiritzadu dae Patrick Zaki)
Custu artìculu est iscritu in sa grafia campidanesa. Abbàida sas àteras bariedades gràficas:

logudoresu · LSC · nugoresu

Patrick Zaki

Patrick George Zaki est unu studianti apusti-làurea egitzianu de s'Universidadi de Bologna, Itàlia, chi est presoneri me in Egitu de su 7 friaxu 2020.[1] Zaki est studiendi po unu Master Erasmus Mundus in stùdius feminilis e de gèniri in s'Universidadi de Bologna. Fait fintzas circa e patrocìniu legali po problemas de gèniri e deretus umanus po s'Atzioni egitziana po is Deretus Personalis, un'organizatzioni po is deretus umanus cun basi in Cairo.[2]

Arrestu[modìfica | modìfica su còdighe de orìgine]

A Zaki dd'ant arrestau a s'arribu a s'arioportu internatzionali de Cairo candu fiat furriendi a domu de Bologna po una vìsita a sa famìlia. S'Agentzia Natzionali po sa Seguràntzia Egitziana at comunicau de dd'ai arrestau, interrogau in contu de su tempus suu in Itàlia e su traballu suu apitzus de is deretus umanus e bitiu in unu logu disconnotu.[1] Dd'ant detènniu incurpendi-ddu de “spraxi noas farsas” e “impunciai a sa protesta”.[3] Segundu s'abogau suu, is agentis de s'Agentzia Natzionali po sa Seguràntzia dd'ant lassau bendau e postu in musas in totu is 17 oras de interrogu me in s'arioportu e apustis in unu logu disconnotu me in Mansoura. In s'interis de s'interrogu, fiat amenatzau a fitianu, scutu a stògumu e a schina e torturau cun scàrrigas elètricas.[3]

Presonia[modìfica | modìfica su còdighe de orìgine]

Su 8 de friaxu 2020, a Zaki dd'ant bitiu a s'ofìtziu de su ministèriu pùblicu, chi at cumandau s'arrestu suu po 15 diis, abetendi is imbistigus[3] apitzus de is acusas de difusioni de noas farsas e organizatzioni de protestas no autorizadas.[4] Su procuradori capu at negau is acusas de tortura a banda de sa politzia.[5] Su 10 de martzu 2020, is autoridadis egitzianas ant tasiu is vìsitas a sa presoni po firmai sa spraxidura de sa maladia COVID-19, ma no ant organizau perunu mèdiu alternativu de comunicatzioni intra is famìlias e is presoneris comenti cumandat sa lei egitziana.[6] Zaki sunfrit de ana e duncas arriscat meda chi si est aparau a su COVID-19 in sa presoni de Tora. Su 5 de maju 2020, is procuradoris supremus de stadu ant arrenoau sa presonia sua po àterus 15 diis chena Zaki o s'abogau suu presentis. Is autoridadis de sa presoni no funt arrennèscius a ddu tramudai achè is procuradoris po assisti a sa sessioni de arrenoamentu de sa presonia. Sa presonia sua est stètia stèrria bortas medas po àterus perìodus de 15 o 45 diis[7][8][9][10] arribendi a 500 diis de presonia in su mesi de làmpadas de su 2021[11] e 669 in totu[12].

Pressioni internatzionali[modìfica | modìfica su còdighe de orìgine]

Incumentzendi de sa noa de s'arrestu suu, amigus de Zaki, àterus studiantis, organizatzionis po is deretus civilis e universidadis italianas ant organizau adunàntzias de solidariedadi.[13]

David Sassoli, su presidenti de su Parlamentu Europeu, at organizau duus inchestas me in Strasbourg in friaxu 2020:[14] sa prima, su 10 de friaxu, at tzerriau s'atentzioni de is Rapresentantis e ddis at domandau de pediri a is autoridadis egitzianas de lassai a Zaki lìberu;[15] sa segunda, su 12 de friaxu at torrau a imbiai s'arrecherta e arregordau a is autoridadis egitzianas chi “s'amistadi de sa UE cun àteras natzionis cunfiant in su respetu de is deretus umanus e civilis, comenti cunfirmau de deliberas medas de su Parlamentu Europeu”.[16][17] Pedit una revisioni de su tratòngiu de s'Europa cun s'Egitu e preguntat si custu no iat a depi intzulliri un'impasada de s'acòrdiu de cumèrtziu lìberu, si Zaki e is àterus ativistas chi funt presoneris po debadas no funt postus in libertadi.

Bintises membrus italianus de su Parlamentu Europeu ant scritu una lìtera a s'ambassadori italianu de Cairo, Giampaolo Cantini, pedendi-ddi un'impignu sèriu po sa libertadi de Patrick Zaki.[18]

Philip Luther, diretori de sa circa e patrocìniu de Amnesty International po s'Àfrica de mesu-est e de su nord at nau “S'arrestu arbitràriu e sa tortura de Patrick Zaki est un'àteru esempru de su scontròriu arrexinau de su stadu de is difensoris de is deretus umanus e de is chi funt cunsideraus oposidoris, chi lompit a livellus prus artus dònnia dii.”[3] Sa pròpriu crìtica dd'at fata su Parlamentu Europeu su 18 idas de su 2020 cun unu testu innoi pediat sa libertadi po su studianti.[19] Amnesty International etotu at organizau s'eventu musicali "Voci per Patrick" (Boxis po Patrick) po su 8 de friaxu 2021, un'annu giustu de sa dii de formalisadura de sa presonia, innui aristas vàrius ant sonau po 12 oras in dereta in unas cantu prataformas in lìnia.[20][21]

S'organizatzioni Scholars at Risk at[1] pregau a is autoridadis egitzianas de liberai luegus a Zaki e, abetendi custu, de assegurai sa saludi sua, s'acessu a s'assistimentu legali, famìlia e curas mèigas. Doixi universidadis italianas chi funt parti de sa setzioni italiana de Scholars at Risk ant firmau una lìtera po is autoridadis egitzianas pedendi sa libertadi po Zaki.[22]

Unus cantu comunus italianus dd'ant donau sa citadinàntzia onorària. Intra custus ddoi at is biddamannas de provìntzia Bologna, Milanu[23], Nàpoli[24], Bari[25], Novara[26], Firenze[27], Chieti[28],Messina[29], Avellino[30], Salerno[31], Ferrara[32], Rìmini[33], Lecce[34], Udine[35], Pisa[36], Brindisi[37], Taranto[38], e Crotone[39].

Liberatzioni, cundenna e gràtzia[modìfica | modìfica su còdighe de orìgine]

Patrick Zaki est stètiu liberau su 8 de idas de su 2021 apustis de 22 mesis de presonia, comenti decìdiu sa dii innantis de su tribunali de Mansura, Egitu[40].

S'acusa, comenti e chi siat est abarrada[12] e su protzessu a Zaki est sighiu, mancai dilatau prus bortas, finas a arribai a su 18 de argiolas de su 2023, data innui su tribunali dd'at cundennau a tres annus de presoni. De custus, nd'abarrant un'annu e duus mesis, ca po su restu balit su tempus chi Zaki fiat giai impresonau[41].

Sa cundenna est arribada prus pagu de unu mesi a pustis de sa làurea de Zaki cun s'Universidadi de Bologna cun su votu de 110/110 e làude, arraxonende de sa tesi in video-cunferèntzia, ca no ddi fiat permìtiu a lassai s'Egitu innantis de sa fini de su protzessu[42].

Sa dii a pustis de sa cundenna at arriciu sa gràtzia de su presidenti egitzianu Abdel Fattah Al Sisi, in unu cuntestu innui Itàlia e Egitu megant de circai de amellorai is relatzionis diplomàticas insoru. Zaki est stètiu duncas liberau apustis de unu procedimentu durau prus de tres annus, e at decrarau de bolli torrai in Itàlia[43].

Riferimentus[modìfica | modìfica su còdighe de orìgine]

  1. ↑ 1.0 1.1 1.2 (EN) Patrick George Zaki, Egypt, in Scholars at Risk, 18 abrile 2019. URL consultadu su 2 cabudanni 2020.
  2. ↑ (EN) Italy alarmed after Egyptian studying in Bologna arrested in Cairo, in the Guardian, 9 freàrgiu 2020. URL consultadu su 2 cabudanni 2020.
  3. ↑ 3.0 3.1 3.2 3.3 (EN) Egypt: Arbitrary arrest and torture of researcher studying gender in Italy, in www.amnesty.org. URL consultadu su 2 cabudanni 2020.
  4. ↑ (EN) Egypt upholds detention of researcher Patrick George Zaki, in www.aljazeera.com. URL consultadu su 2 cabudanni 2020.
  5. ↑ (EN) A. B. C. News, Egypt’s top prosecutor denies activist was tortured, in ABC News. URL consultadu su 19 santandria 2020.
  6. ↑ (EN) Document, in www.amnesty.org. URL consultadu su 2 cabudanni 2020.
  7. ↑ (IT) Free Patrick Zaki, le iniziative a Roma e Milano. Confermata la detenzione per altri 45 giorni, in Amnesty International Italia, 7 santugaine 2020. URL consultadu su 3 santandria 2020.
  8. ↑ (IT) Egitto, Patrick Zaky resta in carcere, in la Repubblica, 27 cabudanni 2020. URL consultadu su 3 santandria 2020.
  9. ↑ (IT) Zaki: legale, altri 15 giorni di reclusione - Mondo, in Agenzia ANSA, 19 ghennàrgiu 2021. URL consultadu su 20 ghennàrgiu 2021.
  10. ↑ (IT) Caso Zaki, altri 45 giorni di carcere, in Agenzia ANSA, 2 freàrgiu 2021. URL consultadu su 3 freàrgiu 2021.
  11. ↑ (IT) Patrick Zaki da 500 giorni in custodia in carcere - Europa, in Agenzia ANSA, 21 làmpadas 2021. URL consultadu s'8 trìulas 2021.
  12. ↑ 12.0 12.1 (IT) Patrick Zaki esce di prigione dopo 669 giorni, è libero ma non assolto: l’udienza il 1 febbraio, in Fanpage. URL consultadu s'8 nadale 2021.
  13. ↑ (EN) New Cairo activist case prompts wave of Italy demos, in EUobserver. URL consultadu su 2 cabudanni 2020.
  14. ↑ (EN) Ignazio Pardo, EU-Egypt Relationships in the Wake of the Zaki Case, in The New Federalist, 18 santandria 2020. URL consultadu su 18 santandria 2020.
  15. ↑ (EN) Detention and torture of Patrick George Zaky in Egypt, in www.europarl.europa.eu. URL consultadu su 18 santandria 2020.
  16. ↑ (EN) Patrick George Zaki: Egyptian activist jailed on his return from Italy, in CANVAS, 20 freàrgiu 2020. URL consultadu su 2 cabudanni 2020.
  17. ↑ (EN) Patrick George Zaki’s arrest in Egypt on 8 February, in www.europarl.europa.eu. URL consultadu su 18 santandria 2020.
  18. ↑ (IT) Ventisei eurodeputati chiedono un "impegno deciso" dell'Italia per la liberazione di Patrick Zaki - Eunews, in eunews.it, 1º santugaine 2020. URL consultadu su 16 santugaine 2020.
  19. ↑ (IT) Testi approvati - Deterioramento della situazione dei diritti umani in Egitto, segnatamente il caso degli attivisti dell'organizzazione Egyptian Initiative for Personal Rights (EIPR) - Venerdì 18 dicembre 2020, in www.europarl.europa.eu. URL consultadu su 20 ghennàrgiu 2021.
  20. ↑ (IT) Zaki: 'Voci per Patrick', maratona musicale per la libertà, in Tiscali Spettacoli. URL consultadu su 3 freàrgiu 2021.
  21. ↑ (IT) 'Voci x Patrick': un successo la mobilitazione per la scarcerazione di Patrick Zaki, in Cronache della Campania, 9 freàrgiu 2021. URL consultadu su 21 freàrgiu 2021.
  22. ↑ (EN) SAR Italy calls for the release of Patrick George Zaki, in Scholars at Risk, 19 martzu 2020. URL consultadu su 2 cabudanni 2020.
  23. ↑ (IT) Consiglio comunale. Approvata la delibera per il conferimento della cittadinanza a Patrick Zaki - Consiglio comunale. Approvata la delibera per il conferimento della cittadinanza a Patrick Zaki, in Comune di Milano. URL consultadu s'8 trìulas 2021.
  24. ↑ (IT) Patrick Zaki, anche Milano gli conferisce la cittadinanza onoraria. Dopo Napoli un altro capoluogo tra le "100 città per Patrick", in Il Fatto Quotidiano, 17 austu 2020. URL consultadu su 20 ghennàrgiu 2021.
  25. ↑ (IT) "Patrick Zaky cittadino onorario Bari": il consiglio comunale approva all'unanimità, in la Repubblica, 5 austu 2020. URL consultadu su 20 ghennàrgiu 2021.
  26. ↑ (IT) CONFERIMENTO CITTADINANZA ONORARIA A PATRICK ZAKI E INSTALLAZIONE DEL RITRATTO (PDF), in Comune di Novara.
  27. ↑ (IT) Cittadinanza onoraria per Zaki. Dmitrij Palagi e Antonella Bundu (Sinistra Progetto Comune): “Sì, all’unanimità, del Consiglio comunale di Firenze”, in Città di Firenze, 1º martzu 2021. URL consultadu s'11 martzu 2021.
  28. ↑ (IT) Patrick Zaki: il consiglio comunale di Chieti vota all’unanimità il conferimento della cittadinanza onoraria, in ChietiToday. URL consultadu s'8 trìulas 2021.
  29. ↑ (IT) Messina, cittadinanza onoraria a Patrick Zaki, in Gazzetta del Sud. URL consultadu s'8 trìulas 2021.
  30. ↑ (IT) Patrick Zaki è cittadino onorario di Avellino: "Con Giulio Regeni tutti una grande famiglia", in Irpinianews.it, 1º freàrgiu 2021. URL consultadu s'8 trìulas 2021.
  31. ↑ (IT) Comune di Salerno, Cittadinanza onoraria a Patrick George Zaki, in www.comune.salerno.it. URL consultadu s'8 trìulas 2021.
  32. ↑ (IT) Patrick Zaki è cittadino onorario di Ferrara, in www.estense.com. URL consultadu s'8 trìulas 2021.
  33. ↑ (IT) Il Consiglio Comunale attribuisce la cittadinanza onoraria a Patrick Zaki. Stamattina ricevuta in Comune l’associazione Sarà, in archivio.comune.rimini.it.
  34. ↑ (IT) La Città di Lecce riconosce la cittadinanza onoraria a Patrick Zaki, in www.comune.lecce.it. URL consultadu s'8 trìulas 2021.
  35. ↑ (IT) Udine concede la cittadinanza onoraria a Patrick Zaki, in www.ilfriuli.it. URL consultadu s'8 trìulas 2021.
  36. ↑ (IT) Cittadinanza onoraria di Pisa a Patrick Zaki: il sì del Consiglio comunale, in PisaToday. URL consultadu s'8 trìulas 2021.
  37. ↑ (IT) IL COMUNE ADERISCE A “UNA LUCE PER PATRICK”, in www.comune.brindisi.it. URL consultadu s'8 trìulas 2021.
  38. ↑ (IT) Patrick Zaki cittadino onorario di Taranto, in www.lagazzettadelmezzogiorno.it. URL consultadu s'8 trìulas 2021.
  39. ↑ (IT) Giuseppe Pipita, Il consiglio comunale di Crotone conferisce la cittadinanza onoraria a Patrick Zaki, in Il Crotonese, 3 làmpadas 2021. URL consultadu s'8 trìulas 2021 (archiviadu dae s'url originale su 6 làmpadas 2021).
  40. ↑ (IT) Patrick Zaki è libero, lo studente egiziano scarcerato, in Fanpage. URL consultadu s'8 nadale 2021.
  41. ↑ (IT) Patrick Zaki condannato a tre anni di carcere in Egitto, in Fanpage. URL consultadu su 18 trìulas 2023.
  42. ↑ (IT) Patrick Zaki si è laureato a Bologna con 110 e lode: “Festa vera ci sarà quando sarai qui”, in Fanpage. URL consultadu su 18 trìulas 2023.
  43. ↑ (IT) Zaki è stato rilasciato dopo la grazia. Le prime parole a La Stampa: “La sensazione di essere un uomo libero è stupenda”, in La Stampa, 20 trìulas 2023. URL consultadu su 22 trìulas 2023.

Pàginas ligadas[modìfica | modìfica su còdighe de orìgine]

Ligòngius de foras[modìfica | modìfica su còdighe de orìgine]

Bogadu dae "https://sc.wikipedia.org/w/index.php?title=Presonia_de_Patrick_Zaki&oldid=180965"