Pianu de renaschida democratica

Su pianu de renàschida democratica (in limba orizinàle piano di rinascita democratica, fìntzas programma di rinascita nazionale o il Piano) fit parte fundamentàle de su programma piduìsta e bolìat punnàre a una suspidùra de sos apparìtzos democraticos italianos ind unu autoritarìsmu legale chi ziraìat in tùndu a s'informatziòne. Francesco Cosentino fit tènnidu in cunsideru comènte sa conca de sa cumpanzìa, ca fit issu su chi aìat iscrìttu tottu su programma.

Puntos de prus impòrtu

Oe in dìe, càlchi puntu ja lu an cumprìdu a libellu istitutzionàle, economicu e mediaticu. Tzertas fortzas politicas nde propònen àtteros, fìntzas si sun inìmigas juràdas.

Sa nàschida de duos partìdos: s'unu, de un'ispètzia de mànca, s'atteru de drèsta. Custu pro fàgher su chi zìrat in tundu de su sistema politicu sìmpre meda.
Cuntròllu de sos media: su pianu bolìat cuntrollàre sos papèris e, liberalitzèndelas, sas emittèntes televisìvas. In prus, cherìat privatitzàre sa RAI pro nde la bogàre dae s'istàdu de monopòliu sòu.
Progètu bicamerale de su 1997 (Cummissiòne parlamentare pro sas riformas costitutzionàles): partidùra de sas cumpetèntzias chi pertòccan sas duas Càmaras (funtziòne politica a CD e funtziòne economica a SR).
Refòrma de sa mazistradùra: partidùra sas carrièras de P.M. e mazistràdu zudicadòre, responsabilidàde de su CSM càra a su Parlamentu.
Reduidùra de su numeru de sos parlamentares.
Abolimèntu de sas provìntzias.
Abolimèntu de sa balididàde legale de sos tìtulos de istùdiu.

Licio Gelli, su chi fit a càbu de suttea P2, nàrat chi no est de bàdas su fàttu chi calicùna parte de custu pianu bi est in sos programmas de sos partìdos de còmmo. Ind un'intervìsta de su mese de Santu Gaìne de su 2008, at poi naràdu chi solu Silvio Berlusconi fit s'unicu a pòder cumprìre de su tottu su pianu, mancàri chi a bèlle tòttus sas fortzas politicas àpat imprestàdu càlchi puntu. De su matèssi pàrrere sun Mario Guarino, Sergio Flamigni e Umberto Bossi.

Boghes currelàdas

Propaganda 2