Pruga Manna
Limba Sarda Comuna. Abbàida sas àteras bariedades gràficas:
Sa Pruga Manna (in russu: Большая чистка, trasliteradu Bolshaya chistka), puru connota comente a Terrore Mannu (trèmene coniadu dae s'istòricu anticomunista britànnicu Robert Conquest), o prus in s'ispetzìficu connota in s'URSS comente Yezhóvschina o Ezhovshchina (ежовщина, «era o fenòmenu de Yezhov»), est su nùmene dadu a sa sèrie de campagnas de reprimidura e persighidas polìticas cumpridas in s'Unione Soviètica a sa fine de is annos 1930. Chèntinas de millis de membros de su Partidu Comunista Sovièticu, bolscevicos betzos, sotzialistas, sotzialistas rivolutzionàrios, anarchistas e oposidores fiant istados persighidos o sutapostos a su càstiu de sa politzia; in prus, fiant tzelebrados protzessos pùblicos, chèntinas de millis fiant istados mandados a is campos de cuntzentramentu Gulag.
Mancari ia pustis s sovièticos aiant giustificadu custa mesura sambenosa, argumentende chi aiat limpiadu su logu de elementos «iscalabradores» o dissidentes pro sa gherra a sighire cun sa Germània Nazista, una cantidade manna de is vìtimas fiant membros de su Partidu Comunista e cabos de s'Armada Ruja. Àteros setores de sa sotziedade chi aiant sùfridu sa perzecutzione fiant istados is professionistas, is kulaks (massajos burghesos) e is minorias, chi fiant abbaidadas comente «sa de chimbe colunna» potentziales. Sa majoria manna de custos arrestos fiant istados portados a in antis dae su Cummissariadu de su Pòpulu pro sos afàrios internos, puru connotu comente su NKVD ghiadu dae Nikolaj Ežov.