Rezìmene abertu

Su rezìmene abertu est una medida arternativa a sa presonia introduìda dae sa leze Gozzini (l. 10/10/1.986 n. 663) chi at reformadu su regulamentu presonale. Est reguladu dae sos artìgulos 48 e sgs. de custu ùrtimu. S'abertista, su presoneri sutapostu a rezìmene abertu, bàrigat su prus de sa die in intro de unu penadorzu apositivu e nd'essit pro leare parte a atividades de traballu, de imparonzu o ùtiles pro sa reintegradura sotziale. Su tribunale de bizilàntzia apostìvigat in su probidimentu de cuntzessura de sa liberdade sas limitaduras pro su cundennadu. Pro lograre su rezìmene abertu, su presoneri devet aer cumpridu a su nessi sa metade de sa pena (20 annos pro su cundennadu a sa presonia perpetuada). Su rezìmene abertu podet esser aprigadu zai dae su cumintzu cando sa cundenna est inferiore a ses meses o a s'ora de su detenimentu si su cundennadu no est cunfiadu in proa a sos servìtzios sotziales. Su rezìmene abertu podet esser rebogadu in su casu chi su suzetu perdat su traballu, o non siat afatente pro su tratamentu o, a zudìssiu de su tribunale de bizilàntzia, apat bioladu sas disposissione prebidas o si su cundennadu non faghet sa recuida a sa domo regrusòria sena motivu zustifigadu (si s'ausèntzia non sùperat doighi oras, sa rebogadura est optativa). S'ausèntzia narada custituit su delitu de evasura, castigàbile a s'arrimu de s'art. 385 de su c.p.