Salvatore Cambosu

Dae Wikipedia, s'entziclopedia lìbera.
Jump to navigation Jump to search

Flag of Sardinia, Italy.svg
Artìculu in LSC
Flag of Sardinia, Italy.svg

Salvatore Cambosu (Oroteddi, 1895 - Nùgoro, 1962) est istadu unu iscritore sardu.

Biografia[modìfica | modìfica su còdighe de orìgine]

At fatu sos primos istùdios in Nùgoro, in ue at ledu sa maturidade clàssica e su diploma de maistru de iscola elementare. At istudiadu in sas Universidades de Pàdua e Roma chene mai si laureare. Torradu a Sardigna at insinnadu in unas cantas biddas de s'ìsula, a pustis si nche tramudat pro semper a Casteddu.

Giornalista produtivu e impinnadu, osservadore atentu de sa realidade sarda, at collaboradu cun giornales sardos e italianos comente "Il Politecnico", "Il mondo", "Nord e Sud", "Ichnusa", "L'Unione Sarda".

Iscritore sensìbile connoschiat bene sas traditziones de sa terra sua e la contat in un'època de gherra intre sa cunservatzione de su tempus coladu e su andare cara a su tempus benidore.

S'òpera sua de importu prus mannu est Miele amaro (1954) definida dae sos intelletuales sardos de su tempus, comente "su fatu prus importante de sa crònaca literària sarda de sos ùrtimos deghe annos" (A. Pigliaru), "unu bastimentu de ispètzias e de paristòrias, de contos, de mele e de poesia" (G. Pinna), etc.

Si podent ammentare finas àteras òperas de Cambosu, comente Lo Zufolo de su 1932, Il carro publicadu a puntadas in su 1934 in L'Unione Sarda, Una stagione a Orolai sinnaladu dae sa giuria in su prèmiu Grazia Deledda de su 1954.

Fontes bibliogràficas[modìfica | modìfica su còdighe de orìgine]

Mameli G. , Bua M., Lo scrittore nascosto. Il meglio di Salvatore Cambosu, Edizioni Della Torre

Controllu de autoridadeVIAF (EN34486985 · ISNI (EN0000 0000 2873 9422 · SBN (ITIT\ICCU\CFIV\031185 · LCCN (ENn85101752 · GND (DE119143585 · BNF (FRcb12104877c (data)