Santu aronau

Santu pro sas cresias catolica, ortodossa, orientales, armena, siriaca e copta. Fit profeta e summu preideru de sos israelitas e frade prus mannu de Moises. Totu su chi ischimus de issu benit solu dae testos sacros; su testamentu betzu, su testamentu nou/evanghelios (Luca, Atos, e sa littera "a sos Giudeos") e dae su Coranu.

Sa Bibria narat ca, a deferente de Moises, no est creschidu in sa corte reale egitzia, ma est abarradu paris a sa sorre Miriam e a su populu sou in sa Terra de Goshen, in su Delta a arberschirdorzu. Cando pro sa primmu borta Moises at chistionadu a su Faraone de sa tzerachia/iscrabitude, Aronau fit interprete de issos. Una partidura de sas leges de Moises at dadu ad Aronau e sa ghenia mascula sua su summu sacredotziu de sos Israelitas. A sos preideros, mutitos kohanim o levitas, ca Moises e Aronau issos etotu fint de sa tribu de Levi, los credent de ghenia de Aronau e sa lege giudaica, sa Halakha, narat ca sos preideros depent essere de banda de su babu, de ghenia de Aronau. De custas resones, sos preideros sunt mutidos peri Aronitos o Aronides.

Secundu su Libru de sos Numeros, Aronau est mortu a 123 annos in su Monte Hor, in su de baranta annu a pustis de cando si sunt fuidos dae s'Egitu, ma in su Deuteronomiu b'at iscritu ca est mortu in un'attera Istaziones de su Essodu, in Meseroth, sa moderna Auja al-Hafir/Bir al-Hafir