TDA7000

Custu artìculu est iscritu cun sa grafia

Limba Sarda Comuna

. Abbàida sas àteras bariedades gràficas:

Su TDA7000 est istadu su primu tzircùitu integradu a pònnere in òpera una ràdiu FM cumpleta in unu cumponente sìngulu. Pro s'importu istòricu suo, custu tzircùitu est istadu inseridu in su Chip Hall of Fame de s'IEEE^[1].

Est istadu isvilupadu dae is traballadores de Philips Dieter Kasperkovitz e Harm van Rumpt e in su 1977 est istadu brevetadu. S'azienda no fiat in printzìpiu interessada a su cumponente, ma custu est cambiadu a pustis chi su fìsicu de Philips in Amburgo, Peter Langendam, dd'at postu a disponimentu de is fabricantes giaponesos de aparatos. De custu tzircùitu e de is variantes suas (TDA7010T, TDA7010U) si sunt bèndidos unos 5 milliones de esemplares, faghende possìbile a fraigare numerosos aparatos ràdiu miniaturizados. Su TDA7000 est istadu impreadu fintzas dae costruidores amantiosos e est parte de kit de montàgiu^[2]. In su mercadu de oe b'ant medas ecuivalentes de produtores vàriu.

Su cumponente teniat in un'àrea de 3,5 mm²:

sa parte retzidora chi, segundu su printzìpiu supereterodina, reduit su sinnale de frecuèntzia arta a una frecuèntzia intermèdia de 70 kHz;
su tzircùitu a frecuèntzia intermèdia;
un'essida àudiu.

In prus, permitiat s'integratzione de dispositivos de cumandu e ischermu.

Riferimentos

↑ (EN) Chip Hall of Fame: Philips TDA7000 FM Receiver - IEEE Spectrum, in spectrum.ieee.org. URL consultadu su 9 ghennàrgiu 2026.
↑ (DE) UKW-Radio mit TDA7000, in Elektronische Basteleien. URL consultadu su 9 ghennàrgiu 2026 (archiviadu dae s'url originale su 27 cabudanni 2023).

[1] (EN) Chip Hall of Fame: Philips TDA7000 FM Receiver - IEEE Spectrum, in spectrum.ieee.org. URL consultadu su 9 ghennàrgiu 2026.

[2] (DE) UKW-Radio mit TDA7000, in Elektronische Basteleien. URL consultadu su 9 ghennàrgiu 2026 (archiviadu dae s'url originale su 27 cabudanni 2023).

[1]

[2]