Tessa Gelisio

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

Tessa Gelisio
Nàschida6 de maju de su 1977
S'Alighera
Traballucondutora televisiva, blogger e ambientalista

Tessa Gelisio (S'Alighera, 6 de maju de su 1977) est una condutora televisiva, blogger e ambientalista sarda.

Biografia[modìfica | modìfica su còdighe de orìgine]

Crèschida in Rosignano Marìtimu[1], in provìntzia de Livorno, incumentzat s'àndala sua che a ativista in medas assòtzios ambientalistas.

Dèbutat in televisione in Telemontecarlo in su 2001[2] cun unu programma dedicadu a su mundu marinu, Blu & Blu. In su 2001-2002 arribat in SA7, cun unu programma nou de divulgatzione sientìfica Oasi, atzentradu mescamente in subra de problemàticas ecològicas e ambientales.

In su 2002 collàborat pro un'editzione a Sereno variàbile[2], e in s'istajone 2002-2003 arribat in Rai 1 cun su programma de su sàbadu merie chi chi chistionat de sas galanias italianas, Italia che vai, ghiadu in paris cun Paolo Brosio.

Acabada s'esperièntzia in sa TV pùblica, in su 2003 sa condutora arribat in Mediaset,[2] in ue at a abarrare in sos annos chi sighent. Rete 4 afidat a Tessa Gelisio sa ghia de su programma nou Pianeta Mare dedicadu a su mundu marinu, chi l'at batida a su sutzessu.

Dae su 2002 a su 2006 ghiat Solaris, il mondo a 360° ("Solaris, su mundu a 360°"), programma de divulgatzione sientìficu-culturale. In su 2007, dAe sa crèsia majore de Règiu Calàbria ghiat in sa prima serada, in Rete 4, su "Cuntzertu de Nadale 2007" a su cale ant pigadu parte Al Bano, Ivana Spagna e medas àteros. In su santugaine de su 2008, in prima serada in Rete 4, presentat dae Petra in Giordània "Tributo a Luciano Pavarotti", una manifestatzione de benefitzèntzia de importu mannu in onore de su tenore italianu mannu Luciano Pavarotti, a sa cale ant pigadu parte Zucchero Fornaciari, Andrea Bocelli, Sting, Laura Pausini, Jovanotti, Plácido Domingo, José Carreras.

In s'istiu de su 2010, in sa prima serada in Rete 4 presentat 4 puntadas de Life - Lo spettacolo della vita (Life - S'ispetàculu de sa bida), programma chi proponet una sèrie de documentàrios in subra de sa natura realizados dae sa BBC. In su làmpadas de su 2011 pigat parte a sa manifestada in direta in Rete 4 "Isfilada de amore e moda". Semper in s'istiu de su 2011 presentat, in sa matessi retze, 6 puntadas de Lo spettacolo della natura (S'ispetàculu de sa natura), unu programma chi, che a cuddu de s'istiu antepostu trasmitet medas documentàrios in subra de sa natura semper realizados dae sa BBC. Intre sas àteras condutziones, tzitemus "Lo spettacolo della natura", in su 2012 in Rete 4, e Capodanno on ice, in su 2013 in Italia 1.

Partinde dae su 2011 ghiat sa rubrica de coghina Cotto e mangiato (Cotu e papadu) a intro de Studio Aperto.

Dae su 2014 ghiat Informat, unu magazine nou de Canale 5 chi faeddat de salude, meighina, benèssere psico-fìsicu, calidade de sa bida.

Sa tarea ambientalista[modìfica | modìfica su còdighe de orìgine]

Incumentzat cun sa faina de ecologista dae giòvana, militende in medas assòtzios ambientalistas (WWF, Amigos de sa Terra, Legambiente) e tzentros pro sa tutela de paros de animales selvàticos.

In su 2004 fundat e assumet sa presidèntzia de s'assòtziu forPlanet Onlus[3] chi in su 2009 bidet reconnotu s'istadu suo de ONLUS. S'assòtziu isvilupat progetos de cunservatzione ambientale pro cuntrastare su deterioramentu sighidu de sos ecosistemas naturales e promovet pràticas e produtos chi punnant a un'isvilupu sostenìbile de sa sotziedade. Sos ecosistemas tutelados dae forPlanet sunt sas forestas tropicales.

Comente a esperta de problemàticas ambientales e sostenibilidade, in su 2019 est binchidora de su prèmiu “Top Italian green influencer” in sa categoria Lifestyle.

In su Santandria de su 2019 est essidu su libru suo cun su tìtulu 100 Green Jobs per trovare lavoro (“100 Green Jobs pro agatare traballu”) - Sa ghia noa a sas professiones prus pedidas in Itàlia.

Programmas televisivos[modìfica | modìfica su còdighe de orìgine]

  • Blu & Blu (Telemontecarlo, 2001)
  • Oasi (LA7, 2001-2002)
  • Sereno variabile (Rai 2, 2002)
  • Italia che vai (Rai 1, 2002-2003)
  • Pianeta Mare (Rete 4, 2003-2015; Canale 5, 2015-2017)
  • Solaris, il mondo a 360º (Rete 4, 2003-2006)
  • Concerto di Natale 2007 (Rete 4, 2007)
  • Tributo a Luciano Pavarotti (Rete 4, 2008)
  • Life - Lo spettacolo della vita (Rete 4, 2010)
  • Sfilata d'amore e moda (Rete 4, 2011)
  • Lo spettacolo della natura (Rete 4, 2011-2013)
  • Cotto e mangiato (Italia 1, dae su 2011)
  • Cibusitalia (Rete 4, 2012)
  • Capodanno on Ice (Italia 1, 2013)
  • I Menù di Cotto e mangiato (Italia 1, dae su 2013)
  • InForma - Dimensione Benessere (Canale 5, dae su 2014)
  • Ecomondo 2019 (Focus, Novembre 2019)

Libros[modìfica | modìfica su còdighe de orìgine]

  • Sas retzetas de Praneta Mare e. RTI – Mondadori - 2008
  • Ghia a sas localidades de Praneta Mare e. Rti – Mondadori – 2008
  • Guida de su diportista ecològicu e. Mursia – 2008
  • Sas retzetas de Praneta Mare II volùmene E. Rti – Mondadori - 2008
  • Guida a sos Green Jobs e. Ambiente - 2009
  • Sa coghina de su mare e Rcs - 2009
  • Risparmiare in domo – Fivestore - 2011
  • Risparmiare in coghina – Fivestore - 2011
  • Sas immersiones prus bellas de Itàlia – Mursia - 2011
  • Sas retzetas de Praneta Mare – Fivestore – 2011
  • Risparmiare in shopping – Fivestore - 2012
  • Risparmiare in biàgiu – Fivestore - 2012
  • Sos apuntos de Cotu e papadu – Fivestore - 2012
  • Ghia a sos green jobs – segunda editzione- e. Ambiente 2012
  • Sas retzetas de Cotu e papadu- Fivestore – 2012
  • Sas noas retzetas de Praneta Mare - Fivestore - 2013
  • Ecocentrica - Lòmpidos Editore - 2013
  • Càstia chi retzetas! - su nou ricettario de Cotu e papadu - Fivestore 2013
  • Cotu e papadu - Sas retzetas pro istare bene - Fivestore 2014
  • “100 Green Jobs pro agatare traballo” - Editziones Ambiente 2019

Riferimentos[modìfica | modìfica su còdighe de orìgine]

  1. (IT) Tessa promossa ai fornelli, in Il Tirreno, 31 nadale 2011. URL consultadu su 2 santugaine 2015.
  2. 2.0 2.1 2.2 (IT) Michele Biondi, Tessa Gelisio a TvBlog, in TvBlog.it, 28 trìulas 2010. URL consultadu su 2 santugaine 2015.
  3. (IT) forPlanet Onlus, in forplanet.org. URL consultadu su 17 santugaine 2015 (archiviadu dae s'url originale su 15 agustu 2015).

Àteros progetos[modìfica | modìfica su còdighe de orìgine]

Ligàmenes esternos[modìfica | modìfica su còdighe de orìgine]