Theranos
Theranos Inc. (/ˈθɛr.ən.oʊs/) est istada una sotziedade americana[1], presentada in s'incumentzu comente innovadora in contu de tecnologia sanitària. Fundada in su 2003 dae Elizabeth Holmes, chi insandus teniat 19 annos, Theranos at balangiadu prus de 700 milliones de dòllaros dae investidores de arriscu e privados, lompende a unu balore de 9 milliones de dòllaros a màssimu suo in su 2013 e su 2014. Sa cumpangia at afirmadu de àere isvilupadu dispositivos pro is anàlisi de su sàmbene chi boliant mustras piticas meda e traballaiant in manera lestra e contivigiosa. S'est a pustis iscobertu chi custos annùntzios fiant farsos. [2][3]
Ddoe est istadu unu càmbiu mannu in su 2015, cando su professore de chirca mèiga John Ioannidis, e a pustis su professore de bio-chìmica clìnica Eleftherios Diamandis, in paris cun su giornalista de investigatzione John Carreyrou de su The Wall Street Journal, at postu in duda sa balidesa de sa tecnologia de Theranos. Sa sotziedade at acaradu una sèrie de problemas legales e cummertziales cun is autoridades mèigas, is investidores, sa Securities and Exchange Commission (SEC) de is Istados Unidos, is Tzentros pro is Servìtzios de Medicare e Medicaid (CMS), is abogados de s'istadu, ex sòtzios de cummèrtziu, patzientes e àteros.[4] In su mese de ghennàrgiu de su 2016, Forbes at istimadu chi su capitale personale de Holmes fiat caladu dae $4,5 milliardos a "nudda".[5] A pustis de annos medas de cumbata, protzessos e santziones dae CMS, su chi fiat restadu de s'impresa est istadu isortu in su cabudanni de su 2018.
Theranos, Holmes e s'ex presidente de sa sotziedade Sunny Balwani sunt istados acusados de trampa dae sa SEC in su 2018. [6] Holmes est istadu decraradu culpàbile de bator acusas in su ghennàrgiu de su 2022 e at retzidu in su mese de santandria de su matessi annu una cundenna a 11 annos e 3 meses de presone.[7] Balwani est istadu reconnotu culpàbile de 12 acusas in su mese de trìulas de su 2022, e in su Nadale de su 2022 est istadu cundennadu a 12 annos e 11 meses de presone.[8]
Riferimentos
[modìfica | modìfica su còdighe de orìgine]- ↑ (EN) Amended Statement by Foreign Corporation, in California Secretary State Business Search, 21 abrile 2004. URL consultadu su 19 làmpadas 2019 (archiviadu dae s'url originale s'8 freàrgiu 2021).
«C2651481». - ↑ (EN) John Carreyrou, Bad Blood: Secrets and Lies in a Silicon Valley Startup, Knopf Doubleday Publishing Group, 2018, ISBN 978-1-5247-3166-3.
- ↑ (EN) Matt Levine, The Blood Unicorn Theranos Was Just a Fairy Tale, in Bloomberg View, 14 martzu 2018. URL consultadu su 19 làmpadas 2019.
- ↑ (EN) Reed Ableson e Andrew Pollack, Theranos Under Federal Criminal Investigation, Adding to Its Woes, in The New York Times, 18 abrile 2016. URL consultadu su 19 làmpadas 2019 (archiviadu dae s'url originale s'8 freàrgiu 2021).
- ↑ (EN) Matthew Herper, From $4.5 Billion To Nothing: Forbes Revises Estimated Net Worth of Theranos Founder Elizabeth Holmes, in Forbes, 1º làmpadas 2016. URL consultadu su 1º làmpadas 2016 (archiviadu dae s'url originale su 6 nadale 2016).
- ↑ (EN) Sarah Ashley O'Brien, Elizabeth Holmes indicted on wire fraud charges, steps down from Theranos, in CNN. URL consultadu su 19 làmpadas 2019 (archiviadu dae s'url originale s'8 freàrgiu 2021).
- ↑ (EN) Elizabeth Holmes sentenced to 11 years in Theranos fraud case, in NBC News, 18 santandria 2022. URL consultadu su 18 santandria 2022.
- ↑ (EN) Sunny Balwani, Elizabeth Holmes' right-hand man at Theranos, has been sentenced to nearly 13 years in prison, in www.smartnews.com. URL consultadu s'8 nadale 2022 (archiviadu dae s'url originale s'8 nadale 2022).