Turismu in Abrutzu

Gran Sasso

Punta Aderci

Segundu sas istatìsticas de s'ISTAT, in su 2021 in Abrutzu sunt arribbados 1.330.187 turistas, e 5.917.765 de presèntzias, ponende·ddu a su de degheoto postos intre sas regiones italianas pro nùmeru de turistas annuales. S'oferta turìstica abrutzesa rapresentat belle su 13% de su PIB regionale e contribuit a su 7,1% de s'ocupatzione regionale, ma mancari sas potentzialidades turìsticas e sos datos de crèschida costante de presèntzias in regione, e mancari sos isfortzos de sos vàrios entes locales e de sa regione pro megiorare sa comunicatzione e sa promotzione turìstica de su territòriu, s'Abrutzu est una de is regiones prus pagu visitadas de Itàlia.

Su turismu abrutzesu si podet partzire in tres diferentes castas: su turismu montanu escursionìsticu naturale chi contat cun impiantos medas de iscì, riservas e parcos naturales, sende sa prima regione italiana pro àrea amparada e istabilimentos termales; su turismu balneàriu e costerinu cun sos vàrios bidditzolos turìsticos, albergos, campègios e istabilimentos balneàrios; e in fines su turismu istòricu-artìsticu religiosu e culturale cuntzentradu mescamente in sos burgos montanos e in sas tzitades istòricas che, pro nàrrere, L'Aquila, Vasto, Chieti, Teramo e Sulmona.