Ubume

Articulu in nugoresu

Ubume (産女), una casta de yokai o bakemono (pantasimas giapponesos) sun sos ispiritos de feminas chi sìnche sun mortas a puntu de parturire, o mortas chene attendere a pitzinnu issoro. Ubume est una fregura classica de su folklore giapponesu, chi bolet sas feminas a mantènner su deper issoro pro sas criaduras, e bi nde at paritzos de contos a pizu de custu pantasima. Si bestin in kimono biancu e tenen pilos longos, chene firmalliu perunu.

In carchi contu, s'ubume dìat comporare durches e atteru mandicu a fizu suo chin dinare chi, a pustis, mudat a foza sicca. In atteros contos, s'ubume dìat chircare de attragher a un'omine in bida, e a lu ghiare cara a su pitzinnu, de manera chi sa sotziedade nde podat tenner contu e su pantasima podat pasare in pache. In atteros contos galu, s'ubume tenet chin secus sa criadura nàschia de pac'ora, chi chircat de dare a unu passante comente una prova. Si su passante atzettat su pitzinnu, tottu ind un'iscutta pesat semper de prus fintzas a cando faticat a lu mantènner in bratzu. Si bi la fachet, s'ubume li dimandat itte disizat e a su solitu lu premiat chind unu podere suprannaturale. Atteramente, sa criadura diventat unu dimoniu e at a uchidere sa pessone, chind unu mossicu chi li secat sa gannighina a gula.