Whitewashing
Limba Sarda Comuna. Abbàida sas àteras bariedades gràficas:
Su whitewashing (dae s'inglesu, cun significadu de isbiancamentu, limpiadura de imàgine) est una pràtica de s'indùstria tzinematogràfica in ue un'atore caucàsicu interpretat su rolu de unu personàgiu de àtera etnia cun sa punna de ddu fàgher prus apetèssidu pro su pùblicu, furriende s'istòria e artziende gasi s'etnia caucàsica in subra de sas àteras. Si tratat de una costùmene susetotus fitiana in su mercadu de su tzìnema de sos Istados Unidos de Amèrica.[1][2]
A primìtziu de su sèculu XX, is atores biancos interpretaiant a personàgios chi perotcaiant a minorias ètnica afaitende·si pro nde dispintare sas caraterìsticas somàticas, blackface (cara niedda) o yellowface (cara groga), comunemente esagerande·nche sos estereotipos atinados. A incomintzu de su sèculu XXI, is minorias fiant galu suta-rapresentadas in s'indùstria tzinematogràfica de Istados Unidos. Mentras chi is partes pro nieddos fiant comomai interpretados de atores de paris etnia, sa pratica de su whitewashing sighiat cun is àteras minorias.[3]
Riferimentos
[modìfica | modìfica su còdighe de orìgine]- ↑ (EN) Aaron Han Joon Magnan-Park, Leukocentric Hollywood: Whitewashing, Alohagate and the dawn of Hollywood with Chinese characteristics, in Asian Cinema, vol. 29, nº 1, 1 de abrile de su 2018, pp. 133 - 162.
- ↑ (EN) Xiaoqun Zhang, Business, soft power, and whitewashing: Three themes in the US media coverage of “The Great Wall” film, vol. 2, 11 de freàrgiu de su 2018.
- ↑ (EN) Whitewashing Was One Of Hollywood's Worst Habits. So Why Is It Still Happening?, in huffpost.com, 6 de nadale/mes'e idas de su 2017.