Aurelio Angonese

Dae Wikipedia, s'entziclopedia lìbera.

Aurelio Angonese (Benètzia, 16 de abrile de 1929) est un'àrbitru antigu de fùbalu italianu.

Biografia[modìfica | modìfica su còdighe de orìgine]

At aderetadu 181 partidas de sèrie A. Si fiat istrenadu in sa partzidura prus arta su 2 de santugaìne de 1960 in s'ocasione de s'addòviu Inter-Bari, chi su resurtadu fiat istadu 2-1. Fiat devènnidu àrbitru internassionale in su 1967, arbitrende unas chentu partidas in totale e rapresentende s'Itàlia in su mundiale de fùbalu de su 1974, disputadu in s'Alemània de s'Uestu de tando.

At tzeladu s'atividade sua cumpetitiva in s'istajone 1973-1974 (s'ùrtimu addòviu chi aiat arbitradu fiat istadu Bolonna-Nàpule 2-2, su 5 de maju de 1974), chimbe annos in antis a petus de sos lìmites ufissiales. In s'istajone 1969-1970, aiat retzidu su Prèmiu “Giovanni Mauro”, destinadu a su zuighe de campu chi si fiat fatu evidente in manera particulare. In su 1973, at arbitradu sa finale de Cupa Itàlia intre Milan e Juventus.

In su 1978, est istadu cummessàriu rezionale de s'AIA pro su Bènetu. In su 1986, fiat istadu cummessàriu ispetziale pro sa CAN A e B.

In su 1991, fiat istadu Presidente de sa Corte de Apellu de s'Aia, in su 1.993 Procuradore Arbitrale e, in su 1.995, Deretore de s'Iscola pro Àrbitros. Est istadu delegadu de s'UEFA finas a su 1.999.

Carrera internassionale[modìfica | modìfica su còdighe de orìgine]

In su 1971, fiat istadu in Montevideo pro aderetare s'addòviu de torrada de sa finale de Cupa Intercontinentale intre Nacional Montevideo e Panathinaikos.

In su 1974, in tempus de su mundiale de fùbalu, aiat arbitradu su 18 de làmpadas, in s'Istàdiu Olìmpicu de su Berilinu Uestu de tando, Alemània de s'Estu-Tzile, una partida chi presentaiat finas dubrados anzenos a su fùbalu, chi su resurtadu fiat istadu un'impate a unu, e sa finale pro su de tres logos, su 6 de triulas in Mònagu de Bavària, intre Polònia e Brasile, binta dae sos polonesos pro unu a zeru. Duas bias fiat istadu finas linieri: su 22 de làmpadas in Brasile-Zaìre (3-0) e su 26 de làmpadas in Alemània de s'Uestu-Jugoslàvia (2-0); cun anteroridade, su 14 de làmpadas, fiat istadu s'àrbitru sustitutu (su titulare fiat N'Diaye su senegalesu) de s'addòviu intre s'Alemània de s'Estu e s'Austràlia (2-0).

Fiat istadu a costazos de Concetto Lo Bello su “mìtigu”, in su rolu de zuighe de lìnia, in s'ocasione de sa finale de Cupa Intercontinentale de 1966 (Real Madridu-Penarol) e de Cupa de Campiones de 1968 (Manchester United-Benfica).