Capu Testa

Dae Wikipedia, s'entziclopedia lìbera.


Articulu in logudoresu

Capu Testa.

Capu Testa (in italianu Capo Testa) est una penisuledda (un'isula a narrer sa beridade, chi s'omine at cullegadu a sa Sardigna a pustis) posta in su nord Sardigna, a pagos km dae Lungoni. Dae Capu Testa faghet a bìder sas isulas de Lavezzi e su cabu de giossu de sa Còssiga.

Capu Testa est cara a sas Buccas de Bonifatziu e una tula pittica, in ue bi sun duas ispiaggias, la cullegat a sa Sardigna. Su promontoriu, in ue bi est unu faru de importantzia fundamentale pro naigare tra sas perigulosas Buccas de Bonifatziu, sun sas roccas tipicas gadduresas de granitu, chi su bentu est consumende, e tenet unu perimetru de unos deghe km.

Sos romanos antigos impitaìan Capu Testa siat comente logu istrategicu, siat pro si pigare su granitu chi battìan a Roma.

Dae su cumintzu de sos annos Settanta, fintzas Capu Testa at isviluppadu su turismu e si cunsiderat comente unu de sos logos prus bellos e istimados de sa Gaddura e Sardigna intrea. Sas ispiaggias si impitan oe in die pro bi fagher nadare sos turistas.

Capu Testa est unu logu de interessu comunitariu (S.I.C.) puru.