Fronte de Liberassione Natzionale Corsicanu

Dae Wikipedia, s'entziclopedia lìbera.


Articulu in nugoresu

Su Fronte de Liberassione Nassionale Corsicànu, o incurtziàu chin sa sigla FLNC (Fronte di Liberazione Naziunale Corsu in corsicanu de sùsu o Fronti di Libarazioni Naziunali Corsu in corsicànu de zòsso), est unu assòtziu militante de nassionalistas chi ghèrrat pro s'indipendèntzia de s'ìsula de Còssiga dae sa Frantza.

Istòria[modìfica | modìfica su còdighe de orìgine]

Su FLNC fit nàschiu dae s'aunimèntu de sos grùstios Ghjustizia Paolina e Fronte Paesanu Corsu di Liberazione.

In passàu bi aìat abbolòttu e fìntzas bocchidùras tra su FLNC e atteros nassionalistas corsicànos, chi an costàu sa bìda a parìtzos gherradores e militantes. Como de custas cosas non bi nd'at prus, ca sas fatziones si an appachiàu ponèndesi de accordu e, commo, ghèrran in pare pro s'obiettivu ebbìa chi bi pùnnan, s'indipendentzia.

Su FLNC est a cùrtzu de su partìdu politicu A Cuncolta Independentista chi còllit cunsènsu tra sa populassione, tantu chi in su cunsìzu de s'isula tènet rappresentàntzia.

Ind una cunfèrentzia tènta s'ùndichi de jannàrju de su 1996 in sa bidda de Tralonca, bi fin 600 a militare in s'assòtziu.

Su gubernu frantzèsu, tèntu contu de s'obiettivu suo e de sos mèdios chi imprèan, cussìderat su FLNC unu assòtziu terrorista.

In su 2014 an decraràu de lassare sas armas; nachi su fronte si at iscontzàu pro poder lòmper a s'indipendentzia de s'isula de attera manera, in pache.