Huang Xianfan

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Huang Xianfan

Huang Xianfan (Tzinesu traditzionale: 黃現璠; Tzinesu semplificadu: 黄现璠; pinyin: Huáng Xiànfán) (Fusui, su 13 de santandria de su 1899 – Guilin, 18 de ghennàrgiu de su 1982) est istadu unu istòricu e antropòlogu tzinesu. Est istadu unu de sos fundadores de s'iscola de su Bagui e de s'iscola de su Wunu e de sos istùdios de sa zhuangologia.

Biografia

Huang Xianfan est nàschidu in Fusui, in Tzina su 13 de santandria de su 1899. At coladu sa pitzinnia in Qusi in Fusui, e at incumintzadu a istudiare in Fusui. A pustis at acabbadu de istudiare in s'iscola de Nanning in su 1926, in su 1935 s'est laureadu in s'Universidade Normale de Pechinu in Istòria Tzinesa e in su 1937 s'est laureadu in s'Universidade de Tokyo in Istòria Giaponesa.

In su 1937 est torradu in Tzina, in ue at insegnadu in s'Universidade de Guangxi dae su 1938 a su 1940 e dae su 1943 a su 1953 e in s'Universidade Normale de Guangxi dae su 1954 a su 1982, in ue est divènnidu diretore de s'iscola de Tzinesu e Istòria. Huang est istadu professore de Istòria in s'Universidade dae su 1940 a su 1982.

Sos traballos suos sunt cunsiderados de importu mannu pro sa letura de s'istòria e de s'antropologia de s'etnia Zhuang.

Òperas printzipales

• Istòria tzinesa, Pechinu, 1932-1934.
• Istòria de sos Zhuang, Nanning, 1957, 1988.

Ligàmenes esternos

• (ZH) 中国政府新闻>> antropologia tzinesa Archiviadu su 28 austu 2011 in s'Internet Archive.