Repùblica Federale Tedesca

Dae Wikipedia, s'entziclopedia lìbera.
(Reindiritzadu dae Repùbrica Federale Tedesca)

Coordinatas: 50°44′02″N 7°05′59″E / 50.733889°N 7.099722°E50.733889; 7.099722

Flag of the Italian region Sardinia.svg
Articulu in LSC
Flag of the Italian region Sardinia.svg

Mapa de sa Germània Ovest

Sa Repùblica Federale Tedesca (in tedescu: Bundesrepublik Deutschland o BRD), prus communemente narada Germània Ovest fiat unu istadu de s'Europa, esistidu de su 1949 a su 1990, annu de aunimentu a s'àtera ex repùblica tedesca, chi beniat a èssere sa Germània Est, o pro usare su nomine uffitziale sa Repùblica Democràtica Tedesca.

Sa Germània Ovest fiat istadu fundadore de s'Unione Europea.

S'istadu fiat naschidu in su territòriu tedescu chi cun s'agabu de sa II Gherra Mundiale fiat istadu assignadu a s'ocupatzione militare de is tres natziones binchidoras de Istados Unidos, Rènniu Aunidu e Frantza.

Sa Germània Ovest fiat meda prus manna de sa bighina Germània Est, tenende una istérrida de 248.577 km² e una populatzione de unos 63.255.000 abitantes in su 1990.

Fiat cumposta de is territòrios de is Land de: Schleswig-Holstein, Freie Hansestadt Bremen, Niedersachsen, Nordrhein-Westfalen, Hessen, Rheinland-Pfalz, Saarland, Baden-Württemberg, Freistaat Bayern, Land Berlin(iscetis sa parte ovest).

Sa capitale fiat Bonn.

Istoria[càmbia | edit source]

Sa Repùblica Federale Tedesca fiat costituida su 23 de maju 1949. Sa capitale non definitiva fiat Bonn. Berlin a cussos tempos non teniat is caraterìsticas pro ddu pòdere èssere, fiat difatis dividida in duas metades, ma prus de importu istesiada de su restu de s'istadu e inghiriada in onni cantone de sa Germània Est.

De su 1955 s'istadu fiat mermu de sa NATO.

Mancari uffitizialmente soberana, sa Germània Ovest est abarrada ocupada de is tropas istràngias americanas, inglesas e frantzesas (aici comente sa Germània Est de cuddas Sovièticas), agatende·sì·nche in territòriu de opositzione in su cuntestu de sa Gherra Frida.

Su 3 de santugaine 1990, unu annu a pustis de s'isciusciamentu de su Muru de Berlin, is duos istados tedescos si sunt aunidos. Is territòrios de sa Germània Est sunt istados uffitzialmente tzedidos a sa de s'Ovest e cunvèrtidos a su sistema de s'istadu federale.

In su 1991 is tropas istràngias ocupantes si sunt retiradas.