Roberta Mori
Articulu in logudoresu
Roberta Mori (Castelnovo di Sotto, Rezu Emìlia, 9 cabudanni 1.971) est una polìtiga italiana.
Est indutorada in deretu e capatzitada pro sa profissione de abogadu. Cumintzat s'atividade sua de boluntària sotziucurturale inche su Museu Cervi in Gattatico, una comuna posta a pagu tretu. Sa prima isperièntzia sua istitussionale nche crompit in su 1995, addaghi l'elèghint cussizera comunale in Castelnovo di Sotto, sa bidda sua. Bator annos prus a tardu, devenit su sìndigu de sa bidda sua cun una coaligadura de tzentru-manca e abarrat in funtziones pro duos mandatos, dae su 1999 a su 2009. Posteriormente, est elèghida cussizera pro sa provìntzia de Rezu Emìlia in su distritu de Castelnovo di Sotto e Campegine, e intrat a s'adunàntzia nassionale e a sa deretura nassionale de su Partidu Democràtigu a pustis de sas primas eleghiduras de su segredàriu.
A pustis de esser elèghida cussizera rezionale cun 7,573 botos, demissionat dae cussizera provintziale. Est membru de s'organizadura de sos emilianos e romannolos in su mundu e, dae su 2009 a su 2013, est presidente de sa retza transinassionale de s'assòtziu de sas comunas, sas provìntzias e sas reuniones italianas e isvedesas (SERN– Sweden Emilia Romagna Network). Su 26 de triulas de 2011, est elèghida presidente de sa cumissione “pro sa promoidura de sa paridade de cundissiones intre òmines e fèminas”. Coòrdinat sa cunferèntzia de sas fèminas presidentes de sos organismos pro sa paridade de oportunidades rezionales. Est reelèghida cussizera rezionala su 23 de santandria de 2014 cu 7564 botos e est numenalizada comente presidente de sa cumissione pro sa paridade de deretos de sas pessones. In prus de custu, devenit presidente de sas cumissiones de adunàntzia pro sa paridade e membru de sa cumissione de adunàntzia pro sas polìtigas sotziales e de sa salude.
In sas eleghiduras rezionales de 2.019, resurtat sa prima de sos no elèghidos e a pustis est repiscada a intro de su Cussizu Rezionale de s'Emìlia-Romanna gràssias a sa numenalizadura a assessore de Alessio Mammi su cussizeri.