Cultura pobulare

Dae Wikipedia, s'entziclopedia lìbera.
(Reindiritzadu dae Cultura populare)
Jump to navigation Jump to search

Flag of Sardinia, Italy.svg
Articulu in LSC
Flag of Sardinia, Italy.svg

Sa cultura pobulare est unu paradigma sotziu-culturale chi indicat s'annata de ideas, puntos de bista, atitudines, immàgines e unos àteros aspetos chi b'intrant e chi torrant in su gai naradu mainstream de una determinada antropologia culturale. In manera piessigna si faghet riferimentu cun custa espressione a cussa ligada a sa cultura otzidentale de su de XX sèculos e a sa globalizatzione chi at caraterizadu sa fine de su XX e su cumintzu de su de XXI sèculos.

A forte influentzadu dae sos mass mèdia (internèt, televisione, editoria e àteru), custa annata de cuntzetos, ideas e opiniones acumpanzat su vida cuotidiana de sa sotziedade e s'insertat in categorias a beru medas ligadas a s'intraténnida (mùsica, tzìnema, televisione), a s'isport, a s'informatzione, a sa polìtica, a sa tecnologia e a su limbàgiu.

Sa cultura pobulare est s'ispissu bìdida cun unu sensu negativu, est a nàrrere comente a tèrmine chi indicat una ridimensionada, in negativu, de su livellu intelletuale e de imparu de unu sugetu o fintzas de su tema, o in generale una friolera de su matessi tema o cuntzetu. S'espressione inglesa chi indicat custu cuntzetu est dumbing down (literalmente "ghetadu a giosso"). Comente a cunsighèntzia de custa, b'est unu forte sensu crìticu in sos cunfrontos de issa a banda de fontes no-mainstream, comente a grupos contraculturales o religiosos, ma non solu, chi l'indicant comente a forma de accettazione sotziològica a banda de sos mass mèdia in s'òmine, tando comente a fenòmenu chi ìmplicat superfitzialidade e consumismu.

S'espressione "cultura pobulare" diferit de su tèrmine folclore, chi est imbetzes s'annata de connoschimentos, fiabe, impreos e costùmenes tramandada dae una tzerta populatzione preindustriale o de tzetos populares in cantu pòberos.

Cun su tèrmine cultura pobulare si podet fintzas cumprèndere sa traspositzione mecànica de sa limba inglesa de s'espressione popular culture, chi prus curreta podet èssere trasposta de s'espressione in italianu cultura de massa, cun sa cale si cumprendet sa cultura trasmìtida dae sos mass mèdia.

Boghes curreladas[modìfica | modìfica su còdighe de orìgine]

  • Folclore
  • Cultura
  • Cultura de massa
  • Cultura otzidentale
  • Middlebrow
  • Masscult and Midcult
  • Mesos de tzita de massa
  • Indùstria culturale
  • Turismu induidu dae sa cultura de massa
  • Kitsch
  • Icona (sotziedade)
  • Cultura ufitziale
  • Subcultura
  • Panem et circenses
  • Cultural studies

Collegamentos esternos[modìfica | modìfica su còdighe de orìgine]