Janet ParkerSa parti de palas de sa scola de meixina innui ddoi fiat su laboratòriu de sa pigota, unu pranu a bàsciu de s'aposentu innui traballàt Parker
Janet Parker iat traballau comenti fotògrafa de sa politzia, ma iat lassau su traballu po nexi de is oràrius de traballu pagu arregularis. In su 1975 at incumentzau a traballai in sa Facultadi de Meixina de s'Universidadi de Birmingham, innui faiant fintzas sperimentus cun su virus de sa pigota. Su traballu de Parkers cumprendiat pruschetotu microfotografias e fotografias de illustratzioni.
Parker fiat cunsiderada una fotògrafa bàlida. Teniat amigus in su dipartimentu de anatomia, ma no ddoi at peruna proa chi apat bisitau su laboratòriu de sa pigota, mancai custu s'agatessit sceti a 15 metrus de su logu de traballu suu.
Sa morti
Arresùmini de is eventus
Professor Henry S. Bedson, ghia de su dipartimentu de microbiologia in sa Facultadi de Meixina de s'Universidadi de Birmingham, fiat circhendi de acabai su traballu apitzus de sa pigota innantis de sa fini de s'atividadi de su laboratòriu suu, pranificada po s'acabu de su 1978.
