ONU

Dae Wikipedia, s'entziclopedia lìbera.
(Reindiritzadu dae Natzionis Unias)
Custu artìculu est iscritu in sa grafia campidanesa. Abbàida sas àteras bariedades gràficas:

logudoresu · LSC · nugoresu

Bandera de is Natzionis Unias
Membrus de is Natzionis Unias

S'Organizatzioni de is Natzionis Unias (in inglesu United Nations, in sigla UN; in russu Организация Объединённых Наций; in cinesu 聯合國; in arabu الأمم المتحدة), in sigla ONU, at bortas abrèviada in Natzionis Unias, est un'organitzatzioni intergovernativa i est sa printzipali organizatzioni internatzionali de su mundu.

Est naschida in su 1945, a pustis de sa secunda gherra mundiali, po sarvai sa paxi e sa securidadi internatzionali gratzias a sa cooperatzioni internatzionali.

S'ONU tenit puru comente iscopu cussu de fai cresci sa cooperatzioni internatzionali in àmbitus de sviluppu econòmicu, progressu socio-culturali e deretus umanus.

Candu un Istatu detzidit de intrai in is Natzionis Unias, issu depit atzetai is obligus sa Carta Internatzionali de s'ONU, chi fissat is printzìpius fundamentalis de is relatzionis internatzionalis.

Secondu cantu narat sa Carta, S'ONU tenit catrus funtzionis:

  • mantenni sa paxi e sa seguridade internatzionali
  • criai relatzionis de amichesa intra is natzionis
  • cooperai in sa solutzioni de is problemas internatzionalis e in sa promotzioni de s'arrespetu de is deretus umanus
  • arrepresentai unu centru po s'armonizatzioni de is diversas intitziativas internatzionalis

Is membrus de s'ONU funt Istatus soberanus. Is Natzionis Unias non funt unu guvernu mundiali i non legìferant. Issas perou donant strumentus e agiudu po sa solutzioni de is cunflitus internatzionalis e formulant polìticas apropriadas de interessu comunu.

A is Natzionis Unias, is Istatus membrus - mannus o piticus, arricus e povirus chi siant e cun diferentis bisuras politicas e diferentis sistemas sotzialis - faint intendi sa propria boxi i votant po donai forma a is politicas de sa comunidadi internatzionali.

Àteros progetos[modìfica | modìfica su còdighe de orìgine]