Patagònia
Coordinadas: 41°48′36.54″S 68°54′22.57″W / 41.81015°S 68.90627°W
Artìculu in LSC
Sa Patagònia est una regione geogràfica de s'Amèrica meridionale, chi cumprendet s'estremidade meridionale de su continente. Partzida intre Argentina e Cile, tenet un'istèrrida superiore a 900.000 km² (cumprendende sa Terra de su Fogu), una populatzione de 1.740.000 bividores (segundu s'ùrtimu tzensimentu in su 2001) e una densidade de 2,21 abitantes/km².
Su territòriu de sa Patagonia est allindadu geograficamente a ovest fache a sud de sas Andes, e in s'estu de plateau e basciuras. Sa regione depet su nùmene a sos Patagones, trèmene impreadu dae Ferdinandu Magellanu pro indicare sos nadios de cussas terras (oe identificados cun sas tribùs de sos Tehuelche e de sos Aonikenk), chi issu aiat pigadu pro gigantes.