Jump to content

Symbian OS

Dae Wikipedia, s'entziclopedia lìbera.
Custu artìculu est iscritu in sa grafia campidanesa. Abbàida sas àteras bariedades gràficas:

logudoresu · LSC · nugoresu

Symbian OS
Logotipu
Logotipu
Ischermada de esèmpiu
Ischermada de esèmpiu
Isvilupadore(es)Symbian Software, Symbian Foundation e Nokia
Data prima versione5 làmpadas 1998
Ùrtima versioneNokia Belle Feature Pack 2 (Nokia Donna)
LimbàgiuC++
Litzèntziaproprietary license
Situ web
Manuale

Symbian OS fiat unu sistema operativu po dispositivus mòbbilis, prodùsiu de Symbian Foundation. Su svilupu suu est stètiu suportau de Accenture de su 2012 a su 2016 ma, a pustis chi Microsoft at comporau s'ala Devices & Service de Nokia chi cumprendiat fintzas su svilupu de custu SO, perunu hardware ddu suportat prus[1].

Stòria

[modìfica | modìfica su còdighe de orìgine]

Symbian OS boddit s'erèntzia de su sistema operativu EPOC, in sa versione EPOC32, creau de sa Psion a sa fini de is annus noranta po sa lìnia sua de elaboradoris palmaris. Nàscit in su mesi de làmpadas de su 1998 cun sa creatzioni de sa cumpangia indipendenti Symbian Limited, formada de sa cooperatzioni de prus cumpangias telefònicas e de sa Psion etotu[2]. Su primu telèfonu mòbili a impreai custu sistema operativu est stètiu su Sony Ericsson P800 e is Nokia 9210 e 7650. S'ùrtima versioni de su sistema operativu est sa 10.1.

In su làmpadas de su 2008 Nokia at comunicau sa boluntadi de comporai is cuotas atzionàrias de is àteras sotziedadis cun sa punna de bessiri s'ùnicu propietàriu de su sistema operativu, e una borta acabbau su coberamentu, de ndi aberri su còdixi, cun sa creatzioni de Symbian Foundation chi in depiat includiri is propietàrius antigus e essi aberta a àterus produsidoris e svilupadoris esternus.[2][3] Symbian de su 4 friaxu 2010 est bessiu sistema operativu lìberu. In prus, fintzas sa documentatzioni de is API est stètia lassada pùbblica.

Su 11 friaxu 2011 Nokia e s'amministradori suu nou Stephen Elop ant sceberau de impreai su sistema operativu de Microsoft, Windows Phone 7, comenti a "prataforma principali" acostendi sa prataforma Symbian. Su 5 abrili 2011 Nokia at annuntziau unu mudamentu de is critèrius po contribbuiri a su progetu, trasformende·ddu de unu progetu lìbberu a còdixi abertu a unu progetu innui sceti is aziendas podiant collaborai a su svilupu suu.[4][5][6] Su 27 abrili 2011 Nokia at annuntziau chi sa sotziedadi Accenture iat essi stètia incarrigada de su svilupu de sa prataforma Symbian. S'acòrdiu previdiat su coladroxu de unus 3000 dipendentis de Nokia a Accenture.[7]

Su 24 gennaxu 2013 Nokia at comunicau de no bolli prus impreai Symbian me is aparatus suus.[1] Su 11 làmpadas 2013 Nokia at annuntziau de acabbai sa produtzioni de dispositivus frunius cun Symbian.[8]

Su 1 gennaxu 2014 Nokia at serrau Ovi, sa butega Symbian, acabbendi de acetai aplicatzionis e annoamentus.[9]

Piessìnnius

[modìfica | modìfica su còdighe de orìgine]

Symbian impreat unu micro-nùcleu e comenti àterus sistemas operativus portat funtzionalidadis de multithreading, multitasking e amparu de sa memòria. Est donau atentu mannu a s'impreu sa memòria, cun tènnicas chi redusint meda is faddinas dèpidas a su manìgiu malu suu (memory leak). Àteras tènnicas permitint de ammellorai s'atòliu in su manìgiu de su logu de sa memòria de massa. Su funtzionamentu de Symbian est basau asuba a eventus e sa CPU est studada candu no ddoi funt eventus ativus: s'impreu curretu de custa tènnica agiudat a allongai sa durada de is baterias.[10]

Interfàtzias

[modìfica | modìfica su còdighe de orìgine]
Symbian OS esecutau in Nokia Bokia Belle FP2

Ddoi at medas interfàtzias de aparatus mòbbilis (ddi nant puru "prataformas"), svilupadas de is produsidoris de dispositivus, basadas asuba a Symbian:

  • Nokia Sèrie 60 o S60 (sa prus sprainada): impreada fintzas de Siemens, Sendo, Panasonic, Samsung
  • Nokia Sèrie 80: impreada de is "communicator" de Nokia (francu su E90 chi impreat sa Sèrie 60)
  • Nokia Sèrie 90: impreada de càncua tauledda de Nokia (a es. su 7710)
  • UIQ: una interfàtzia de impitadori mujadita chi cuntenit una prataforma de svilupu po Symbian OS.
  • MOAP: impreada po terminalis de Fujitsu, Mitsubishi, Sony Ericsson e Sharp po NTT DoCoMo in Giaponi

Aplicatzionis

[modìfica | modìfica su còdighe de orìgine]

Ddoi fiat unu nùmeru mannu de aplicatzionis a disponimentu po Symbian, siat gratuitasm siat a pagamentu. Funt stètius importaus giogus meda de console in versioni mòbili, perfetzionaus po su telèfonu, ddoi fiat s'integratzioni de su navigadori gratuitu Ovi Maps.

Apustis de s'achirimentu de Microsoft de s'ala de servìtzius e prodùsius Nokia incumentzendi de su 3 cabudanni 2013, su 11 de ladàmini apustis est stètiu annuntziau chi su Store Symbian iat a essi stètiu serrau. Sa serrada finali est acontèssia su 1 gennaxu 2014, impedendi aici de insertai annoamentus po is app giai a disponimentu e de ndi pubblicai noas.[9]

Spainadura

[modìfica | modìfica su còdighe de orìgine]

Is cuncorrentis principalis de Symbian fiant iOS, Windows Phone, Android, BlackBerry OS, Bada.

Cummenti bieus in sa tabella chi sighit, sa percentuali prus arta de Symbian in su mercau de is smartphone s'est averiguau a ingìriu de su 2005-2006, cun giai 3/4 de is telefoneddus bèndius cun Symbian cummenti sistema operativu. De su 2007-2008 sa percentuali calat cun s'arrennèscia de iOS e Android.[11] In donniasantu 2006, Symbian at segudau is 100 millionis de telefoneddus bèndius chi dd'impreànt, candu a argiolas 2009 fiant stètius prodùsius 250 millionis de telefoneddus cun Symbian.[12][13]

Sighit una tabella de is cuotas de mercau de Symbian OS annu po annu in su mercau de is aparatus mòbilis, segundu unas cantu fontis e analistas:[14]

Annu Gartner (po unidadis bèndias) Statcounter.com (po circas in arretza[15][16]) Statista[17] Àterus
2003 - - - Q3: 31%[18]
2004 Q3: 50%
2005 73%[19]
2006 56%
2007 64%[11]
2008 52%
2009 47%[20] 35%
2010 38% 30%
2011 19%[21] 33%
2012 5,2% 11%
2013 <0,9%[22] 5%
2014 <0,5%[23] 2,7% 1,8%
2015 - 1,2% 0,8%
2016 - - 0,3%
2017 - 0,2%

Riferimentus

[modìfica | modìfica su còdighe de orìgine]
  1. ↑ 1.0 1.1 (EN) Nokia confirms the PureView 808 was officially the last Symbian Phone, in techcrunch.com.
  2. ↑ 2.0 2.1 (IT) Nokia acquista Symbian e crea la Foundation - Notizie - vnunet.it, in web.archive.org, 26 cabudanni 2008. URL consultadu su 9 austu 2020 (archiviadu dae s'url originale su 26 cabudanni 2008).
  3. ↑ Nokia compra Symbian e la trasforma in progetto open source, in macitynet.it. URL consultadu su 15 austu 2020 (archiviadu dae s'url originale su 29 abrile 2016).
  4. ↑ (EN) Not Open Source, just Open for Business | symbian.nokia.com, in web.archive.org, 8 abrile 2011. URL consultadu su 9 austu 2020 (archiviadu dae s'url originale s'8 abrile 2011).
  5. ↑ (IT) Pianeta Tech, pianetatech.it, http://pianetatech.it/. URL consultadu su 9 austu 2020.
  6. ↑ (EN) Ryan Paul, Nokia transitions Symbian source to non-open license, in Ars Technica, 11 abrile 2011. URL consultadu su 9 austu 2020.
  7. ↑ Nokia esternalizza Symbian ad Accenture, in borsaitaliana.it.reuters.com. URL consultadu su 15 austu 2020 (archiviadu dae s'url originale su 30 abrile 2011).
  8. ↑ Bye Bye Symbian: Nokia ne termina la produzione, in hwupgrade.it.
  9. ↑ 9.0 9.1 Chiusura Symbian Store, in webnews.it.
  10. ↑ (EN) Introduction to the Architectureof Symbian OS (PDF).
  11. ↑ 11.0 11.1 Gartner posts worldwide mobile OS numbers for 2008, in engadget.com. URL consultadu su 23 maju 2020.
  12. ↑ The Smart PDA - Six Years of Symbian Produces 100 Models and 100 Million Shipments - smartphone, smartphones, pda, xpda, iphone, windows mobile, palm, blackberry, rim, treo, nokia, samsung, lg, htc, motorola,sony ericsson, in thesmartpda.com, 30 làmpadas 2012. URL consultadu su 23 maju 2020 (archiviadu dae s'url originale su 30 làmpadas 2012).
  13. ↑ Ionut Arghire, Symbian Foundation Adds New Member, Nuance, in news.softpedia.com. URL consultadu su 23 maju 2020 (archiviadu dae s'url originale su 4 abrile 2020).
  14. ↑ Totu is percentualis ugualis o prus artas de 5% funt atundadas a s'unidadi.
  15. ↑ Sa percentuali marcada est sa de su mesi de idas.
  16. ↑ Mobile Operating System Market Share Worldwide, in gs.statcounter.com. URL consultadu su 23 maju 2020.
  17. ↑ Mobile OS market share 2019, in statista.com. URL consultadu su 23 maju 2020.
  18. ↑ Global smart phone sales soar, in theregister.co.uk. URL consultadu su 23 maju 2020.
  19. ↑ Nokia Leading Smartphone Market with 56%, While Symbian's Share of OS…, in abiresearch.com, 29 martzu 2012. URL consultadu su 23 maju 2020 (archiviadu dae s'url originale su 29 martzu 2012).
  20. ↑ Gartner and IDC dispute Android's dominance over Symbian in Q4 2010, in engadget.com. URL consultadu su 23 maju 2020.
  21. ↑ Symbian & Microsoft: global smartphone market share, in statista.com. URL consultadu su 23 maju 2020.
  22. ↑ Gartner Says Annual Smartphone Sales Surpassed Sales of Feature Phones for the First Time in 2013, in gartner.com. URL consultadu su 23 maju 2020.
  23. ↑ Gartner Says Smartphone Sales Surpassed One Billion Units in 2014, in gartner.com. URL consultadu su 23 maju 2020.
Bogadu dae "https://sc.wikipedia.org/w/index.php?title=Symbian_OS&oldid=184577"