Battisteru

Su battisteru est su logu o s'edifitziu inue si retziat su battijimu (dae su gregu baptisma). Unu battijimu fut praticadu dae Giuanne Battista comente narada su Vangelu. Gesùs Cristu at retzidu su battijimu de Giuanne Battista in su riu Giordanu. Po su battijimu cristianu in sos primos tempos si usaiant sos rios, inue b'aiat aba o puru sas domos in tempos de persecutzione. Cando sas persecutziones sunt finidas e-i sos cristianos ant tentu sa libertade de praticare sa religione ant fraigadu battisteros. Funi edifitzios de una tzerta mannaria, de forma circolare o poligonale.

Funi mannos ca su batijimu si daiada a sos adultos, si daiada po imersione, e in occasione de sa Pasca. In su battisteru b'aiada una baltza (vasca) e bi funi iscalinas po calare in s'aba inue si eniada immersos (est su significadu de sa paraula baptisma) e àteras iscalinas dae s'àtera ala po nde essire dae s'abba. In sos muros internos bi funi pinturas o masaicos cun iscenas chi ammentaiana su battijimu e su significadu de su battijimu. Ancora oe si podede biere su Battisteru de Firenze, su e Pisa e ateros. Sos battisteros funi affaca a sa cattedrale, est a narrere in tzitades sede de su Piscamu. Como in sas crejas parrocchiales esistidi su “fonte battesimale”, chi podede essere in una Cappella o in su presbiteriu, inue si retzidi su batijimu “per aspersione”, betende unu pagu de aba subra sa conca.