Bermentinu

Dae Wikipedia, s'entziclopedia lìbera.
Bermentinu
Bermentinu de Sardinna

Su Bermentinu est unu bariedale aromàtigu.

Sas orìzines suas non sunt craras: pro unos cantos, est naturale de su nordu-estu de s’Ispanna, in Aragona, peroe sa bariedade non paret esser prus curtivada in sa chi diat dever esser sa terra sua nadia; pro àteros, aguarmente in Ispanna, fiat cunnotu comente Listan de Andalusia. Cunforme a galu àteros, diat esser nàschidu in Portugallu (in ue lu cunnoschent cun su nùmene de “Codega”) o de s’ìsula de Madera, cussiderende sos numerosos assimizos (richesa de colore e de istràghidu) cun sa malvasia logale. Dae sa mesìsula ibèriga, si diat esser ispainadu a pustis in Frantza – Grosse Clarette, Malvois d’Espagne, Piccabon, Languedoc-Roussillon – e posteriormente in Ligùria, in ue aiat leadu su nùmene de Malvasia Grussa, Carbesso o Corbesso o Carbess (su Pigato est cussideradu dae unos cantos comente una bariedade de Bermentinu), Pizzamosca e Vemettino, custu ùrtimu est su nùmene cun su cale nche fiat cròmpidu a Còrsiga e posca, in sa segunda metade de su milliotughentos, a Gaddura, in ue achisissionat sa numenadura de Bermentinu e, in medida prus minore, finas in argunas zonas de sa Tuscana.

Su bariedale est impreadu pro produer numerosos binos.

In Sardinna, unu de sos binos prus cunnotos e apressiados a base de Bermentinu est su Bermentinu de Gaddura, binu cun numenadura de orìzine cuntrollada e garantida, caraterizadu dae un’istrutura e dae unu gradu arcòligu notàbiles. In mesu de sos binos cun numenadura de orìzine cuntrollada a base de Bermentinu si podent tzitare s’Alighera, Bermentinu ispumosu, e su Bermentinu de Gaddura, chi presentat caraterìstigas prus diversifigadas, dae su binu prus istruturadu a su prus friscu e impreadu de aperitivu.

Prus pagu istruturados, peroe prus probidos de elegàntzia, sunt sos binos cun numenadura de orìzine cuntrollada ligurianos, che su Riviera Ligure di Ponente, su Val Polcevera, su Golfo del Tigullio e su Colli di Luni.

In Tuscana, sos binos NOC prus cunnotos a base de Bermentinu sunt su Candia dei Colli Apuani, su Montecarlo e su Bolgheri arbu.

In sos ùrtimos annos, sos enòlogos ant traballadu pro creare tipos de Bermentinu incubonadu in sa puresa, pro lu fagher resurtare prus frutoradu e agradàbile. Un’isbirgu pro aumentare sas caraterìstigas naradas est a nd’adelantare sa binnenna, in manera chi su mustu siat prus ricu in atzidesa.

Sos binos a base de Bermentinu sunt zenerarmente arbos sicos, peroe deligadamente moddes, in colore grogu pazissu, cun nuscos intensos de frores de campu e ervanzu e una nota de pèssighe grogu. Podent esser cumbinados cun intradas de mare, pratos de pische (che sa cumbinadura cràssiga intre s’aligusta e su bermentinu sardu) e purpu, peroe finas cun sos pansotes tìpigos ligurianos cun banza de nughe e sos àteros pratos de sa coghina liguriana.

In Ligùria, custu bariedale est isvilupadu in manera prus manna in sa Costera de Ponente, mescamente in zonas postas in su de Impèria.