Budelli
Coordinadas: 41°17′01″N 9°21′03″E / 41.283611°N 9.350833°E
Budelli est un’isula chi pertenet a s’Archipèlagu de La Maddalena, posta in su nordu istremu de sa Sardinna a probe de sas Bucas de Bonifàtziu. Impare cun sas àteras ìsulas, format parte de su Parcu Nassionale de s’Archipèlagu de La Maddalena. S’ìsula est abitada dae una pessone ebia, chi nd’est finas su tentadore.
S’ìsula de Budelli s’agatat pagas chentinas de metros a su suddu de sas ìsulas de Ratzoli e Santa Maria, separada dae custas ùrtimas dae su canale Checa de Mortu. Tenet una superfìtzie de 1,6 chilòmetros cuadrados e un’isvilupu costerencu de 12,3 chilòmetros. Su Monte Budellu rapresentat su puntu prus artu de s’ìsula, sizende sa cuota de 87 metros.
Budelli est cussideradu comente una de sas ìsulas prus bellas de su Mesuterranu, gasi comente su sìmbolu de su parcu nassionale: est cunnotu finas in logu istranzu pro more de sa praja sua famada in colore de rosa, situada in sa parte suddu-orientale de s’ìsula, chi devet su colore suo tìpigu a sos ucheddos aminudados de unu microorganismu naradu Miniacina Miniacea.
Àteros progetos[modìfica | modìfica su còdighe de orìgine]
 |
Wikimedia Commons tenet files chi ligant a: Ìsula de Budelli |