Central Park

Dae Wikipedia, s'entziclopedia lìbera.

Su Central Park est unu parcu pùbrigu de sa tzitade de Noa Iorcu, postu in sa mesania de Manhattan. Su parcu fiat istadu abertu in su 1857, in 315 ètaras de terra propiedade de sa Comuna (oe sa superfìtzie sua medit 335 ètaras). In su 1858, Frederick Law Olmsted e Calvert Vaux aiant bìnchidu una porfia prozetale pro mezorare e ispander su parcu cun unu pranu a tìtulu “The Greensward Plan”. Su fraigamentu fiat cumintzadu in su matessi annu, fiat sighidu in tempus de sa gherra tzivile amerigana e fiat istadu cumpretadu in su 1873. Su Central Park est su parcu urbanu prus bisitadu de sos Istados Aunidos.

Decraradu patrimòniu istòrigu nassionale in su 1.962, su parcu est zestionadu atuarmente dae sa Cunservadoria de su Central Park cunforme a unu cuntratu sinzadu cun s'amministradura de sa tzitade. Sa Cunservadoria est un'organizadura sena finalidade de profetu chi cuntribuit pro s'83,5% a su presupostu annuale de 37,5 milliones de dòllaros de su Central Park, e impreat s'80,7% de su pessonale de mantenimentu de su parcu.

Su Central Park est fontomadu in diferentes cantones, che pro narrer “New York” de Simon & Garfunkel, interpretada finas in s'ocasione de su cuntzertu famadu isvilupadu inche su parcu su 19 de cabudanni de 1.981. In cussa cantone, si faghet referèntzia a sa perigulosidade de su parcu a pustis de s'iscurigada, a su propòsitu naradu in su parcu s'agatant numerosos aparitzos telefònigos pro poder pedire azutòriu in casu de bisonzu.