Cracòvia

Dae Wikipedia, s'entziclopedia lìbera.

Ozieri-Stemma.png
Articulu in logudoresu
Ozieri-Stemma.png


Cracòvia, (pol.Kraków), sa tzitade de Krak miticu re de su IV seculu. Nomenada in unu iscritu de su IV sec., chi faeddaiada de su battijimu de su re de sa tribù de sos vistolanos. Fudi parte de su regnu de [[[Boemia]] e a poi est intrada a faghere parte de sos possessos de sa dinanstia polacca Piast (1038). Sa tzitade est ricca de palattos e monumentos medioevales e de su Rinascimentu. Sa parte pius antiga fudi subra sa collina Wawel, e fudi sa residentzia de sos re polaccos po seculos. Inoghe s'agatada sa creja de sos Santos Felice e Adaucto (IX sec.); su casteddu; sa cattedrale, cun sa tumba de sos res polaccos. Guasi distrutta dae sos Tartaros in su 1241 est istada recostruida suta Boleslao V de Polonia. In su 1364 est istada fundada s'Universidade. Cacovia s'est isviluppada suta sa dinastia lituana Jaghellone (1386 -1572). In su 1609 sa capitale est istada trasferida a Varsavia. In su XVIII sec. Sa Polonia fudi divisa e Cracovia diventat parte de sa provintzia austriaca de Galizia. Su Congressu de Vienna ada confirmadu sa divisione de sa Polonia, ma ada creadu una repubblica indipendente cun capitale Cracovia. In sa Prima Gherra Mundiale sas truppas de Cracovia ana cumbattidu po sa liberatzione de sa Polonia. In su 1939 sas truppas nazistas sunu intradas in Cracovia e ana deportadu 150 professores e istudentes. A sa fine de sa gherra sos comunistas ana comintzadu a guvernare in Polonia.