Distretu federale
Artìculu in LSC
Unu distretu federale est una partzidura amministrativa de unu sistema guvernativu federale. Fatu·fatu non si tratat de partziduras chi cumponent unu istadu, ma de entidades separadas in suta de cuntrollu deretu de su guvernu federale.
Austràlia[modìfica | modìfica su còdighe de orìgine]
In paris a sos ses istados autònomos (Nou Galles de su Sud, Queensland, Austràlia Meridionale, Tasmània, Victoria e Austràlia Otzidentale), sa federatzione australiana cumprendet duos territòrios autònomos, su Territòriu de sa capitale australiana e su Territòriu de su Nord.
Istados Unidos[modìfica | modìfica su còdighe de orìgine]
Sa capitale federale e sede de su guvernu istadunidensu in Washington s'agatat in unu distretu naradu Distretu de Columbia. Annotamala su guvernu de s'istadu cuntemplat carchi àteros tipos de distretos federales, no ispetzificadamente currelados a sa capitale:
- su sistema de sas cortes federales dividit onni istadu, su Distretu de Columbia e Portu Rico in distretos giuditziàrios federales chi tenent cada unu una Corte distretuale de sos Istados Unidos e una [Corte fallimentare de sos Istados Unidos]]. S'agatant fintzas tzircùitos giuditziàrios federales, ognunu formadu dae unu grupu de istados (francu pro sa [Corte de Apellu de sos Istados Unidos pro su District of Columbia Circuit|Tzircùitu de su District of Columbia]] chi cumprendet su solu distretu federale). Onni tzìrculu, chi esistet fintzas in Portu Rico, tenet fintzas sa Corte territoriale de sos Istados Unidos e una [Corte de Apellu de sos Istados Unidos]].
- sa Federal Reserve, banca tzentrale istadunidensa, cunsistet de dòighi bancas localizadas in totu su paisu, cada una de sas cales còmpudat unu distretu de sa Federal Reserve.
Malaìsia[modìfica | modìfica su còdighe de orìgine]
In Malaìsia, s'espressione Territòriu federale (malesu: Wilayah Persekutuan) indivìduat tres territòrios guvernados deretamente dae su guvernu federale: Kuala Lumpur (capitale natzionale), Putrajaya (tzentru amministrativu de su guvernu federale) e Labuan (tzentru finantziàriu internatzionale offshore).
Amèrica Latina[modìfica | modìfica su còdighe de orìgine]
S'espressione Distrito Federal si referit a:
- Distretu Federale (Brasile)
- Distretu Capitale (Venezuela)
- antigu Distretu Federale (Argentina), oe Tzitade Autònoma de Buenos Aires
- antigu Distretu Federale (Méssicu), oe Tzitade de su Mèssicu
Unos àteros impreos[modìfica | modìfica su còdighe de orìgine]
In Rùssia sunt presentes oto tzircundàrios federales, a bortas inditados fintzas cun su trèmene distretos federales, chi agrupant prus sugetos federales e chi non tenent nudda a bìdere cun sas partziduras territorales tìpicas de sos istados federales.