Ispagnolos

Dae Wikipedia, s'entziclopedia lìbera.


Articulu in nugoresu

Su faveddu "ispagnolos" inditat sos grupos etnicos chi sun nàschios in Ispagna e tenen natzionalidade ispagnola.

Sa limba uffitziale de s'Ispagna est su castiglianu, o ispagnolu, limba nou-latina nàschia in Castiglia e chi at a bènner limba de s'amministrassione tzentralitzada a cumintzare dae s'artziada de sos Borbone a su tronu ispagnolu. Sa costitussione de su 1978 nat, in s'articulu 3.1, chi su castiglianu est sa limba uffitziale de tottu s'Istadu, e tottus sos tzitadinos tenen su derettu a la connòscher e impreàre, ma in s'articulu 3.2 ammenta chi sas atteras limbas de Ispagna sun offitziales in ube si faveddan. Oje in dìe, sas limbas chi an tentu su reconnoshimèntu de uffitzialidade sun su catalanu/valentzianu, su galegu e su bascu, mancari chi bi nd'apat atteras chi non gòdin de custu istatus, comente a s'aragonesu o s'asturo-lionesu.

In intro de s'Ispagna b'at una sèria de natzionalismos e atteros populos, chi non cheren a s'identificare chin su grupu umanu ispagnolu; b'at fìntzas unu fiòtu de latino-americanos.