Istassione ferruviària de S'Alighera Santu Austinu

S'istassione ferruviària de S'Alighera Santu Austinu est sa printzipale de sa bidda cadalana e s'ùniga ativa in sa leada manna de sa comuna. S'installadura s'agatat in su bighinadu de su Pedraghe e dae su 1988 custìtuit sa conca de lìnia de su caminu de ferru Tàtari-S'Alighera, cun bia ùniga, ladària minimada e sena eletrifigadura. In dae in antis de su fraigu de biazadores, cun pranu retangulare e duas prantas, sunt postas duas bias impreadas pro su servìtziu de passizeris cun apeadorzos currespondidores. Bias annanghedoras tèrminant a sa tzurpa in su partile a su nordu de su fraigu de biazadores. Anteriormente a sa colada a sa zestione dereta de s'IRST, s'arzola de s'istassione istranzaiat finas unu depòsitu de sos postales de sos CFDS antigos.

Dae su puntu de bista de sas relassiones, s'ùnigu destinu sizìbile cun sas cumponiduras de s'IRST est s'istassione de Tàtari, in prus de sas diferentes arressadas intermediàrias a longu de su trazetu (chi una est S'Ulumedu). Relassiones annanghedoreas sunt asseguradas dae curreras postalencas, chi permitint de nche sizire su tzentru de sa bidda (intre sas cales sas de s'IRST, chi sustìtuit sa parte de caminu de ferru ismanteddada), s'abioportu de S'Alighera-Fertìlia e àteras leadas probianas.