Limba gallesa

Custu est un'artìculu de su mese
Dae Wikipedia, s'entziclopedia lìbera.


Articulu in campidanesu

Percentualis de fueddantes sa limba gallesa

Sa Limba Gallesa (nòmene nativu Cymraeg o Gymraeg), faede parte de su gruppu britonicu de is limbas celticasa. Esti fuedhadu me sa natzione occidentale de sa Bretagna Manna, connota cummente Galles (Cymru) e in sa valle de sa Provintzia de Chubot, una colonia gallesa aintru de sa Patagonia Argentina. Doi funti fintzes personas ca fuedhant gallesu in meda atrus logus puru, prus ca totu in su arrestu de sa Bretagna Manna, is Istados Unidos De America e s'Australia.

Gallesu Antigu[modìfica | modìfica su còdighe de orìgine]

S’antigu gallesu (Hem Gymraeg) est su nomene donadu a sa limba gallesa me su tempus ca si est sviluppada de su britonicu e ca benit agatau de su VI/VII a sos cummentzos de su XII seculu, candu si sviluppada me su gallesu de mesanìa.

Poemas medas e canthu operas in prosa funt arribadas de custos tempus fintzas a sa die nostras, mancai in manuscritos tardos e non originalles, cummente su poema y Goddoim. S’ iscritu prus antigu in gallesu arribada dae una pedra tombale me sa cresia de Tywyn, mancai siat arreconnota a sos cummentzos de su VIII seculu. Si pentzat ca s’iscrito me su libru de San Chad siat stadu iscritu me su tardu VIII e su IX seculu, ma podit essi sa copia de unu iscritu de su VI\VII Seculu.

Gallesu De Mesanìa[modìfica | modìfica su còdighe de orìgine]

Su Gallesu de mesanìa (Cymraeg Canol) est su nomini donadu a su gallesu de sos XII\XIII seculos, dae sa calle abarrant meda prus iscritos de su Gallesu antigu dae sa calle si fiat sviluppadu. Custa est sa limba, o asumancu si accostat a cussa in su Mabinogion, mancai is istorias contadas siant prus antigas. Su gallesu de mesanìa est puru sa limba de sa mellus parti de sos iscritos de sa legislatzione gallesa.

Gallesu Modernu[modìfica | modìfica su còdighe de orìgine]

Segundu su censimentu de su 2001, su 20,5% de sa gente totalle gallesa (3 miliones de personas) naraiada de fuedhai su gallesu (de prusu de su 18,5% de su 1991). Custa percentuali pigat una importanza manna chi si pentza chi su 25% de sa gente totale fiat composta de naschidos a foras de su Galles. Me sa gente gallesa ca fuedha sa limba gallesa arribat a su 30%. Su numeru de sa gente ca fuedha su gallesu cummente limba veicolare o chi connoscit talli limba in s’arrestu de sa Bretagna Manna no est connota, ma si agatat gente ca dda chistionat me is printzipales tzitades inglesas de sos confines aroru de su Galles e s’Inghilterra. Pagus Gallesus chistionant isceti una limba, ma sa mellus parte de issos narant ca fueddhant mellus su gallesu de su inglesu. Sa scioberada se limba de fuedhai est a segunda de s’argumentu de chistionai (custu fenomenu est tzerriau “commutazione de codici”). Mancai su gallesu siat una limba asuta de su predominiu de s’inglesu, me su XX seculu crescit su sustentamentu de sa limba impare a sos partidos natzionalistas cummente su partidu Plaid Cymru e sa sotziedade de sa limba gallesa (Cymdeithas yr Iaith Gymraeg). Su gallesu cummente prima limba est fuedhada me sas partes de su Galles ca tenint prus pagu inurbatzione, tra sas calles Gwynedd, Denbighshire, Merioneth, Anglesey (Ynys Môn), Carmarthenshire, Nord Pembrokeshire, Ceredigion, e me sa parte occidentale de su Glamorgan, ma gente cun bona cunoscentzia de su gallesu si podet accathare in totha sa natzione Gallesa.

Acàpius a foras[modìfica | modìfica su còdighe de orìgine]


Wikimedaglia
Wikimedaglia
Custu est unu de sos artìculos de su mese, est a nàrrere unu de sos mègius artìculos creados e postos in sa pàgina printzipale dae sa comunidade, chi l'at isseberadu pro su mese de abrile de su 2009

Candidados pro sos meses benidores

Totu sos artìculos de su mese