Mògoros Eugànigos

Sos Mògoros Eugànigos sunt unu grupu de montigros de orìzine burcàniga chi cumparent, belle che archipèlagu, in su paris padanu-bènetu, iscassos chilòmetros a su suddu-uestu de Pàdua.

Su mògoro prus artu est su Monte Venda, artu 603 metros, ch'istranzat unos cantos repetidores de sinzales de tele chi cuguzant su bonu de sas zonas inghiriadoras (provìntzias de Pàdua e Bissèntzia).

In s'arzola de sos Mògoros Eugànigos s'agatant 16 comunas, totus postas in su de Pàdua, francu Albettone chi s'agatat in su de Bissèntzia. Monselice, cun 22.603 abitadores, est sa leada eugàniga prus pobulada. Sos mògoros cumprendent logalidades termales bariadas che Montegrotto, Abano, Battaglia e Galzignano.

Sos Mògoros Eugànigos sunt su primu parcu rezionale de su Bènetu, istituìdu in su 1.989.