Mortorzu de Marta Russo
Marta Russo, istudanta de matèrias zurìdigas in s'Universidade La Sapienza de Roma, est sa bìtima de unu mortorzu realizadu in intro de sa Bidda Universidària su 9 de maju de 1997, addaghi sa bintiduarza fiat istada còrfida dae unu tiru de pistola. Su mortorzu nch'aiat zutu in fatu unu casu zudissiàriu cumprigadu, ozetu de grandu atentu dae bandas de sos mèdios massivos, siat pro su logu in ue l'aiant perpetradu, siat pro sas dificurtades chi aiant atopados sas imbestigaduras a su cumintzu, addaghi non si resessiat a identifigare unu motivu iscadenadore prausìbile.
Fatos[modìfica | modìfica su còdighe de orìgine]
Su manzanu de su 9 de maju de 1997, a sas oras 11:35, s'istudanta fiat istada atìnghida dae una balla in s'ìnteri chi cursaiat un'oturinu in intro de sa Bidda Universidària paris cun un'amiga sua, intre sas facurtades de sièntzias istadìstigas, matèrias zurìdigas e sièntzias polìtigas. Sa pisedda fiat istada trasportada a sa Murticrìniga Umbertu I situada a curtzu, in ue fiat morta su 14 de maju. Sos babos e sa sorre aiant detzìdidu de donare sos òrganos de sa zòvana.