Murta (licòre)

Dae Wikipedia, s'entziclopedia lìbera.

Ozieri-Stemma.png
Articulu in logudoresu
Ozieri-Stemma.png

Un'ampulla de licòre de murta fattu in dommo, cun tantu de tassa.

Su licòre de murta benit dae una traditzione populare sarda antiga meda; nànchi sos bandidos de sa Gallura, andendesìche in Cossiga po chircare unu pagu de ricoveru, aìan battidu sa traditzione de custu licòre puru in cussa isula, in ue si faghet ei su numen est su matessi. A propositu, cussu uffitziale chi li at dadu sa Regione Autònoma de sa Sardigna est "Mirto di Sardegna". Bi at duas variedades: cussa ruja e cussa bianca (s'una fatta cun su frutu, s'attera cun sas fozas).

Produtzione[càmbia | edit source]

Bi cheret unu litru de alcolo, unu e settantachimbe de abba (si si aggradat su licore galu pius forte, peròe, giàe nde podet bastare unu litru e mesu ebbìa) e 500-600 grammos de tuccaru. Si podet ponner frutu de murta a piaghere, bastet chi s'alcolo nde lu podat suspire tottucantu. A pustis de àer lassadu sa murta in s'alcolo po unu mese, cund unu pajoleddu o padedda si faghet buddire s'abba cun su tuccaru. In s'impestantu, sa murta si agguttat dae s'alcolo chi la coberìat e si la ammisturat cun s'abba intuccarada. Tando, si lassat tottu a infrittare. A s'urtimu, tocat a ispremer cund unu pannigheddu sa murta po chi nd'essat su sutzu, e a ammisturare s'alcolo a su brou po nde prennare sas ampullas.

Boghes curreladas[càmbia | edit source]