Nana (manga)

Dae Wikipedia, s'entziclopedia lìbera.
Bae a: navigadura, chirca

Nùgoro-Istemma.png
Articulu in nugoresu
Nùgoro-Istemma.png

Nana (ナナ?) est unu manga josei chi at fattu sa (tando a puntu de debuttare) mangaka Ai Yazawa, serialitzau in sa revista Cookie e chi Shueisha at prubicau. Sos primos 12 volùmenes de sa serie an bèndiu prus de 22 miliones de copias. S'istoria tenet duos pessonazos printzipales e su fattu chi tenzan su matessi lùmene (Nana) podet juchere a cunfusione, mancari chi sa differentzia de pessonalidade siat radicale: s'una, Nana Komatsu, tenet s'innocentzia de una pitzinna minoredda e non bi la fachet a màntennere su controllu in supra de sa realtade, s'attera, Nana Osaki, est una cantadora punk chi, a s'imbesse, ammustrat de tènner una pessonalidade forte e firma. Tantu Nana Osaki, cantu sos cumpanzos de sa banda sua tenen un'influentzia manna dae sos Sex Pistols, cumpresu unu chi est s'immatzine de Sid Vicious (Honjô Ren).

A como, su manga tenet 21 volùmenes, e sa serie abbarrat aperta. Sa serie l'an adattada in duas pelliculas, rispettivamente in su 2005 e in su 2006, e ind una serie anime in su 2006. Sa pellicula tenet che attoras Aoi Miyazaki e Mika Nakashima, fachende s'una sa parte de Nana Komatsu e s'attera de Nana Osaki. In sa pellicula sichidora, Nakashima torrat a retzitare sa parte de Nana Osaki e Yui Ichikawa fit s'attora chi at interpretau a Nana Komatsu. Sa serie anime, chin sos disìnnos de Ai Yazawa, l'an trasmittìa pro sa prima bìa in sa televisione giapponesa in su 5 de aprile de su 2006: de custa bi nd'at unu primu tempus ebbìa, e s'isperat chi a s'accabbu de su manga si lu podat adattare in anime puru. Su manga sichit a issu ma, sicomente sa mangaka fit malàbida, est galu abbarrau a su capitulu 84. S'at dau sa nova, a s'accabbu de su mese de Aprile de su 2010, chi Ai Yazawa est essìa dae ispidale e est torrada a dommo sua, ma no l'ischit si at a sichire o nono a traballare pro su manga, e si b'at a torrare a pònnere manu no nd'ischit comuncas cando l'at a fachere.

S'istoria de Nana zirat in tundu a sas relatziones de sos duos protagonistas, buscande s'una fama e reconnoschimentu professionale, s'attera amore e cuntentesa.