Jump to content

Non compores mercantzia russa!

Custu est un'artìculu de su mese
Dae Wikipedia, s'entziclopedia lìbera.


Articulu in nugoresu

"Non còmpores mercantzia russa!" (ucrainu: «Не купуй російське!») o "Boicotta cosa russa!" (ucrainu: «Бойкотуй російське!») est una campagna de resistentzia non biolenta pro andare contra su cummertziu russu in Ucraina. Sa protesta fit cumintzada in su 14 de Agustu de su 2013, pro parare fronte a s'imbargu de iscambiu cummertziale russu contra s'Ucraina. La an promòghia pro mediu de sa retza sotziale, grassias a Vidsich.[1] Sa campagna fit poi andada a innantis cumpartinde a muntones bolantinos, poster e etichettas in prus de 45 tzittades e biddas. Andande in abbassiada a su cumintzu de sas manifestadas EuroMaidan in su mese de Sant'Andrìa de su 2013, est torrada a picare pede derettu a pustis chi sa Russia fit intervènnia chin sos militares in terra ucraina.

Boicottazu

[modìfica | modìfica su còdighe de orìgine]
Attivistas in punna de ispingher a su boicottazu in su 22 de Agustu de su 2013, torrande imposta a su bloccu russu de benes ucrainos
Flash mob ind unu supermercadu de Kyiev in su 15 de Martzu de su 2014
Attivistas ammustran unu poster ispinghende a boicottare sa bentzina russa in su 29 de Maju de su 2014
Etichettas de boicottazu impreadas pro bi iscriver "ПТН ХЛО" (accurtziamentu de "Putin khuilo") in Brovary (22 de Lampadas de su 2014)

In Ucraina

[modìfica | modìfica su còdighe de orìgine]

In su 22 de Agustu de su 2013, sos attivistas an fattu una protesta a curtzu de s'uffitziu de amministrassione presidentziale de s'Ucraina.[2][3][4] Sa campagna at sichiu cumpartinde bolatinos, poster e etichettas in prus de 45 tzittades e biddas ucrainas.[5][6] Si at fattu fintzas impreu de carrigaduras de matrioscas russas pro sa campagna, chi at cumintzau a andare in abbassiada a su cumintzu de su gai nàu "Euromaidan".[7]

In su 2 de Martzu de su 2014, sos attivistas an cumintzau a impreare sos social networks pro dare annuntziu chi torraban a annovare s'opera de boicottazu, a disacatu de benes russos e serbitzios a costazu de siendas russas. Sa punna fit de istesiare cantu prus si podiat su soddu ucrainu dae su tretu russu, chi in cughe podian impreare pro dare amparu a sos militares russos.[8] Su boicottazu fit puru pro torrare imposta a sa crisi de Crimea e a s'interventu militare russu in Ucraina.[9][10]

In su mese de Martzu de 2014, sos attivistas an cumintzau a apparizare flash mobs in supermercados pro ispingher a sa zente a non comporare cosas russas[11][12][13] e a boicottare istatziones de gas russu[14][15][16][17], bancas[18] e cuntzertos.[19] In su mese de Aprile de su 2014, carchi tzinema in Kyiv, Lviv, e Odesa an cumintzau a non dare prus film russos.[20]

In istiu de su 2014, sos attivistas an peri apparizau flash mobs in restorantes e tzilleris russos.[21][22]

A s'acabbu de Agustu 2014, sa campagna at sichiu, custa borta contra film e serias televisivas russas in sos media ucrainos. [23][24]

In Aprile 2014, carchi produtore russu at cambiau su codiche a barras russu in cussu ucrainu.[25] Una applicassione pro Android, de lùmen Boycott Invaders, fit in isvilupu pro indittare sos produtos russos, cumpresos cussos chi cubaban s'orizine issoro.[7][8][26]

In atterube

[modìfica | modìfica su còdighe de orìgine]

A cumintzare dae su mese de Martzu 2014, s'opera de boicottazu la an cumpartida fintzas atteros istados, de manera ispetziale in Lettonia, Lituania, Estonia, Polonia, Georgia,[27] USA[28][29] e sa Repùblica Ceca.[30]

Resurtaos

[modìfica | modìfica su còdighe de orìgine]

Sa béndia de benes russos in Ucraina est falada de su 35-50% in beranu de su 2014.[31][32] In mese de maju 2014, sos supermercados ucrainos an cumintzàu a acabbare de si picare mercantzia russa. S'imbiu de benes russos fit falàu de unu de tres.[33]

Dae su mese de jannarju a su mese de maju de su 2014, sicundu a sas crassificaduras de Standard & Poor's , bancas chin capitale russu in Ucraina an pèrdiu prus de su 50% de depositos.[34]

Criticas

[modìfica | modìfica su còdighe de orìgine]

S'economista Andriy Novak at nau chi s'opera de boicottazu, in su mese de Martzu de su 2014, at fattu perder a s'economia de sa Federassione Russa non prus de una zuzina de miliones de dollaros. A abbisu suo, bi at una manera menzus pro facher dannu a s'economia russa, corfende unu puntu dolente - "Gazprom".[35]

S'idea de boicottare cosa russa la aìat amparada Fozzy Group, grupu ucrainu de cumpanzias chi tenet buttegas, ma non sos uffitzios rapresentativos ucrainos de "Auchan" e "Metro Cash and Carry". Sa resone fit chi issos si naran apoliticos.[36]

Andriy Dlihach, "Advanter Group" CEO, at ispintu non tantu a che catzare sos produtos russos ma, prusaprestu, a si cuntzentrare in cussos ucrainos ebbìa.[37]

Su blogger ucrainu de limba mama russa Danylo Vakhovskyi at nau chi est impreande chin cussentzia sos serbitzios in linia e at a sichire gai, ca est una manera pro amparare su "fravicamentu de un'ambiente favorevole a sos impresarios" in Russia. Peròe, "no est una cosa de patriotu, ma pro amparare impresarios "chin rubios", dare possibilidade a s'isvilupu de prozetos novos, chi est a cambiare su mundu in menzus". Su blogger at fintzas presentau carchi esempiu de custa zenìa de prozetos, chi sun zassos fortes e chi bi sun dae tempus meda: QIWI, Ostrovok.ru and antivirus Kaspersky Anti-Virus.[38]

Atteras boches

[modìfica | modìfica su còdighe de orìgine]

Referentzias

[modìfica | modìfica su còdighe de orìgine]
  1. ↑ У соцмережах українців закликають бойкотувати російські товари (ucrainu). Український тиждень. 15.08.2013
  2. ↑ Януковича закликали не вважати Росію дружньою державою (ucrainu). Radio Liberty. 22.08.2013
  3. ↑ Активісти оголосили бойкот товарам з РФ (bideos; ucrainu). 5 канал. 22.08.2013
  4. ↑ На Банковій "відкривали очі на «братство" Росії (bideos; ucrainu). Українська правда. 22.08.2013
  5. ↑ Украинцев призывают отказаться от российских товаров (russu). Подробности. Інтер. 12.09.2013
  6. ↑ В Україні триває вулична агітація проти російських валянок і матрьошок Archiviadu su 24 santugaine 2014 in s'Internet Archive. (bideos; ucrainu). maidanua.org. 26.09.2013
  7. ↑ 7.0 7.1 Ukraine in campaign to boycott Russian goods, restaurants, sex (inglesu). Alexandra Back. The Sydney Morning Herald. 26.07.2014
  8. ↑ 8.0 8.1 Boycott of occupiers: How Ukrainians are snubbing Russian goods: [1] (ucrainu), [2] (russu). Deutsche Welle. 04.04.2014
  9. ↑ Бойкотуємо товари і бізнес окупантів! Не купуємо нічого російського! (ucrainu). Дамо відсіч зазіханням Росії на Україну. 02.03.2014
  10. ↑ Українці захищаються від росіян бойкотом їх товарів (bideos; ucrainu). ТСН. 1+1. 06.03.2014
  11. ↑ Флешмоби "Російське вбиває" набирають обертів (bideos; ucrainu). Vidsich. 24.03.2014
  12. ↑ Сьогодні у Чернівцях російські товари "вбивали" активістів – флешмоб у "Сільпо" та на заправці "Лукойл" (fotografias; ucrainu). chv.tv. 10.04.2014
  13. ↑ У Сумах також оголосили бойкот російським товарам (ucrainu). Львівська газета. 23.03.2014
  14. ↑ Как в Днепропетровске прошло бойкотирование российских заправок Archiviadu su 7 maju 2014 in s'Internet Archive. (russu). 34 канал. 01.05.2014
  15. ↑ Активісти закликали не купувати російський бензин (ucrainu). Radio Liberty. 17.04.2014
  16. ↑ Українці починають бойкотувати російські АЗС (ucrainu). Український тиждень. 25.04.2014
  17. ↑ Место убийства - российская АЗС Archiviadu su 30 austu 2018 in s'Internet Archive. (ucrainu). ПІК. 16.05.2014
  18. ↑ У Києві біля офісів російських банків українців закликають "не платити окупантам" (ucrainu). Український тиждень. 24.04.2014
  19. ↑ Українці оголосили російським артистам бойкот (ucrainu). ТСН. 1+1. 03.06.2014
  20. ↑ Некоторые кинотеатры Киева, Львова и Одессы объявили бойкот российской кинопродукции (russu). ЦензорНЕТ. 11.04.2014
  21. ↑ «Российское убивает»: в Киеве в российских кафе и ресторанах люди падают «замертво». ФОТОрепортаж (russu). ЦензорНЕТ. 25.07.2014
  22. ↑ У Києві пікетували «російські» ресторани (ucrainu). Radio Liberty. 24.06.2014
  23. ↑ «Не пустимо в хату російську вату» — театралізована акція під Держкіно (ucrainu). Radio Liberty. 04.09.2014
  24. ↑ У Києві відбулася акція протесту проти російського кіно (ucrainu). УНН. 04.09.2014
  25. ↑ Російська окупація українських товарів: як кокошник відрізнити від дівочого вінка (відео) Archiviadu su 30 austu 2018 in s'Internet Archive. (ucrainu). Факти. ICTV. 09.04.2014
  26. ↑ Ukraine-Russie : le boycott 2.0 Archiviadu su 30 austu 2018 in s'Internet Archive. (frantzesu). L'informaticien. 03.04.2014
  27. ↑ As leaders dither, citizens impose own sanctions on Russia Archiviadu su 30 santugaine 2014 in s'Internet Archive. (inglesu). Reuters. 04.03.2014
  28. ↑ No Russian vodka Archiviadu su 19 austu 2014 in s'Internet Archive. (ucrainu). INTV. 19.03.2014
  29. ↑ Do not Buy Russian Gas, Boykott LukOil (bideos). Terrible Information. 16.03.2014
  30. ↑ Поляки, литовці та чехи починають бойкот російських товарів (ucrainu). zik.ua. 05.03.2014
  31. ↑ Російські виробники маскують штрих-коди на своїх товарах, щоб надурити українців (ucrainu). ТСН. 1+1. 26.03.2014
  32. ↑ У середньому, продаж товарів з РФ впав на 35-50% Archiviadu su 20 maju 2014 in s'Internet Archive. (ucrainu). Україна Online. 18.05.2014
  33. ↑ Бойкот российских товаров дал результат: поставки РФ упали на треть (russu). facenews.ua. 14.05.2014
  34. ↑ Російські банки втратили більше 50% вкладів в Україні (ucrainu). Українська правда. 14.07.2014
  35. ↑ Бойкот російських товарів не є ефективною мірою, удар треба наносити по «Газпрому» — експерт Archiviadu su 6 cabudanni 2014 in s'Internet Archive. (ucrainu). 112 Україна. 28.03.2014
  36. ↑ «Ашан» та «Метро» не підтримали бойкот російських товарів (ucrainu). zaxid.net. 24.04.2014
  37. ↑ Бойкот російських товарів: за і проти Archiviadu su 26 ghennàrgiu 2016 in s'Internet Archive. (ucrainu). Forbes. 01.04.2014
  38. ↑ Почему я не поддерживаю бойкот российских товаров и сервисов Archiviadu su 15 santugaine 2014 in s'Internet Archive. (russu). ain. 12.03.2014

Aggantzos de fora

[modìfica | modìfica su còdighe de orìgine]

Fontes

[modìfica | modìfica su còdighe de orìgine]

Wikimedaglia
Wikimedaglia
Custu est unu de sos artìculos de su mese, est a nàrrere unu de sos mègius artìculos creados e postos in sa pàgina printzipale dae sa comunidade, chi l'at isseberadu pro su mese de santandria/onniasantu de su 2014

Candidados pro sos meses benidores

Totu sos artìculos de su mese

Bogadu dae "https://sc.wikipedia.org/w/index.php?title=Non_compores_mercantzia_russa!&oldid=184596"